ශ්‍රී ලංකාවේ ආහාර සුරක්ෂිතතාවය සදහා තවත් අමතර ඩොලර් මිලියන 20 ක ආධාරයක් ලබා දීමට අමරිකා ජනාධිපති ජෝ බයිඩ්න් තීරණය කර තිබෙනවා.
මේ දිනවල පැවැත්වෙන ජී 07 රාජ්‍ය නායක සමුලුවේදී ඔහු මේ බව නිල වශයෙන් නිවේදනය කර ඇති බවයි කොළඹ අමරිකානු තානාපති කාර්යාලය නිවේදනය කළේ.
වත්මන් ආර්ථික අර්බුදය තුළ වඩාත් අවශ්‍යතා ඇති ලාංකිකයන් මෙහිදී ඉලක්ක කිරීමට නියමිතයි.
ඉදිරි මාස 15 තුළ ලාංකික දරුවන් ලක්ෂ 08 කට වැඩි පිරිසකට ආහාර ලබාදෙන පෝෂණ වැඩසටහනකට සහය වීම / 27 000 කට අධික ගර්භනී සහ කිරිදෙන මව්වරුන් සදහා ආහාර වවුචර් ලබා දීම / ගොවීන් 30 000කට උපකාර කිරීම මෙම මුදල් හරහා සිදුකිරීමට නියමිතයි.
මෙම මුදලත් සමග පසුගිය 16 වනදා සිට අමරිකාව විසින් ශ්‍රී ලංකාවට පිරිනැමීමට එකග වූ මුලු ආධාර ප්‍රමාණය ඩොලර් මිලියන 32 දක්වා ඉහළ යනු ඇති.
