විරෝධතා නිසා සිඩ්නි මාර්ග රැසක් අවහිරයි – 11 ක් අත්අඩංගුවට

සිඩ්නි CBD හි මාර්ග අවහිර වන අයුරින් විරෝධතා සිදුකල 11 දෙනෙකු නිවු සවුත් වේල්ස් ප්‍රාන්ත පොලිසිය විසින් අත්අඩංගුවට ගෙන තිබෙනවා.

දේශගුණ විපර්යාස පාදක කර ගනිමින් සිඩ්නි නගරයට පිවිසෙන මාර්ග අවහිර කර විශාල පිරිසක් මේ වනවිටත් විරෝධතා සිදුකරමින් පවතිනවා.

ඔවුන් සිඩ්නි වරාය පිවිසුම් උමං මාර්ගයද වසා දමා ඇති බව සඳහන්.

විවිධ මාර්ග බාධක යොදා මාර්ග හරස් කරමිනුයි මෙම විරෝධතාකරුවන් උද්ඝෝෂණවල නිරත වූයේ.

මේ අතර ඉදිරි දිනවලදීත් සිඩ්නි නගරයේ විවිධ ස්ථානවල විරෝධතා පවත්වන බවට ඔවුන් අනතුරු අගවා තිබෙනවා.