නීතිවිරෝධී ලෙස ඔස්ට්‍රෙලියාවට සංක්‍රමණය වීමට උත්සාහ කළ පුද්ගලයින් 399 දෙනෙකු පසුගිය ජනවාරි මස පළමුවනදා සිට මේ දක්වා කාලය තුළ අත්අඩංගුවට ගෙන ඇති බව පොලිසිය පවසනවා.
එලෙස සංක්‍රමණය වීමට උත්සහ කළ පුද්ගලයින් 91 දෙනෙකු පසුගියදා මෙරටට පිටුවහල් කර තිබු අතර ඔවුන්ට එරෙහිව අධිකරණ ක්‍රියාමාර්ග ද ගෙන ඇති බවයි පොලිසිය පැවසුවේ.
එරට අධිකරණය හමුවේ වරදකරුවෙකු වුවහොත් රුපියල් ලක්ෂ දෙකකට ආසන්න දඩ මුදලක් සහ වසර 05කට ආසන්න සිරදඬුවමකට ගමන් කරන බවයි පොලිස් මාධ්‍ය කොට්ඨාසය සඳහන් කළේ.
අත්අඩංගුවට පත් වූ පසු වහාම ක්‍රියාත්මක වන පරිදි සංක්‍රමණය වීමට භාවිත කළ බෝට්ටු පවා ගිනි තබමින්
සංක්‍රමණිකයින් මෙරටට පිටුවහල් කරන බවයි පොලිස් මාධ්‍ය කොට්ඨාසය වැඩිදුරටත් සඳහන් කළේ.
