ලංකාව තුළදී අයෙකුට තබාගත හැකි ඩොලර් ප්‍රමාණය අඩුකර නව නියමයක්

ශ්‍රී ලංකාවේ සිටින හෝ නේවාසික පුද්ගලයෙකුට තම සන්තකයේ රඳවා තබා ගත හැකි විදේශ ව්‍යවහාර මුදල් ප්‍රමාණය අමෙරිකානු ඩොලර් 10,000 ක් හෝ ඊට සමාන වෙනත් විදේශ විනිමය ප්‍රමාණයක් දක්වා අඩුකර ශ්‍රී ලංකා මහ බැංකුව විසින් නව නියමයක් පණවා තිබෙනවා.

මෙතෙක් එය පැවතියේ ඩොලර් 15,000 ක් ලෙසයි.

විදේශ ව්‍යවහාර මුදල් සන්තකයේ තබා ගැනීමේ සීමා – නියමයන් හා කොන්දේසි සංශෝධනය කර මහජනතාව අත ඇති විදේශ ව්‍යවහාර මුදල් විධිමත් බැංකු පද්ධතියට ආකර්ශනය කරගැනීමේ අරමුණ ඇතිවයි මුදල් අමාත්‍යවරයා විසින් විදේශ විනිමය පණත යටතේ මීට අදාළ නියමයන් නිකුත් කර ඇත්තේ.

ඒ අනුව පසුගිය 16 වනදා සිට මෙම නියමය බලාත්මක වන අතර දැනට අදාළ ප්‍රමාණය ඉක්මවා සන්තකයේ තබාගෙන සිටින පුද්ගලයන්ට එම මුදල් පුද්ගලික විදේශ ව්‍යවහාර මුදල් ගිණුමකට හෝ ව්‍යාපාරික විදේශ ව්‍යවහාර මුදල් ගිණුමකට තැන්පත් කිරීමට දින 14 ක පොදු සමා කාලයක් ලබාදී තිබෙනවා.

නොඑසේනම් බලයලත් වෙළෙන්දෙකුට එනම් බලපත්‍රලාභී වාණිජ බැංකුවකට ඒවා අලෙවි කිරීමටද අවස්ථාව පවතින බවයි ශ්‍රී ලංකා මහ බැංකුව නිකුත් කර ඇති නිවේදනයක දැක්වෙන්නේ.

මෙම පොදු සමා කාලය අවසානයේදී මෙම නියමයන් උල්ලංඝනය කරමින් තමා සන්තකයේ විදේශ ව්‍යවහාර මුදල් තබාගන්නා පුද්ගලයන්ට එරෙහිව විදේශ විනිමය පණතේ විධිවිධාන ප්‍රකාරව ක්‍රියාමාර්ග ගන්නා බවද මහ බැංකුව අවධාරණය කරනවා.

හොබාර්ට්හි පාසල් අසල සුදු වෑන් භීතිකාවක්

ටස්මේනියා ප්‍රාන්තයේ හොබාර්ට්හි ප්‍රාථමික පාසල් සිසුන්ට සුදු පැහැති වෑන් රථයකින් පැමිණ පැණි රස කෑම වර්ග ලබා දෙන පුද්ගලයෙකු සම්බන්ධයෙන් ආරක්ෂක අංශ විමර්ශනයක් ආරම්භ කර තිබෙනවා.

Read More »

නවසීලන්තයේ කාය වර්ධන තරගාවලියකින් ශ්‍රී ලාංකික තරුණයෙකුට රන් පදක්කම් 3ක්

නවසීලන්තයේ පැවති කාය වර්ධන තරගාවලියකින් එරට සිටින ශ්‍රී ලාංකික තරුණයෙක් වන සුලාර ධනුක මාලිංග පදක්කම් රැසක් දිනාගෙන තිබෙනවා.

Read More »

ශ්‍රී ලාංකික ලේඛිකාවකගේ යුද්ධය ගැන කෘතියකට ජාත්‍යන්තර සම්මානයක්

ශ්‍රී ලාංකේය ලේඛිකාවක් වන V. V. ගනේෂානන්දන් විසින් රචිත Brotherless Night නවකතාව සඳහා 2024 වසරේ Carol Shields ත්‍යාගය දිනා ගැනීමට සමත්ව තිබෙනවා.

Read More »

පැපුවා නිව්ගිනි රාජ්‍යයේ නාය යෑමෙන් ජීවිත 300ක් අහිමි වෙයි?

පැපුවා නිව්ගිනියාවේ එන්ගා පළාතේ ගම්මාන කිහිපයක සිදු වූ නාය යාමෙන් පුද්ගලයන් 300කට වැඩි පිරිසක් සුන්බුන් අතර සිරවී ඇතැයි විශ්වාස කෙරෙන බව සහන කණ්ඩායම් පවසනවා.

Read More »