වික්ටෝරියා ප්‍රාන්තයේ දැනට ඉතිරිව පවතින සියලු කොවිඩ් සීමා අද රෑ සිට ලිහිල් කෙරෙන බව ප්‍රාන්ත රජය පවසනවා.
ඒ අනුව මුව ආවරණ රෙගුලාසි – එන්නත්කරණ අවශ්‍යතා සහ හුදකලා නීති සියල්ල ලිහිල් කෙරෙන බවයි ප්‍රාන්ත සෞඛ්‍ය අමාත්‍ය මාර්ටින් ෆොලී සඳහන් කලේ.
වික්ටෝරියා ප්‍රාන්තයේ ගුවන් තොටුපළවල මුහුණු ආවරණ පැළඳීමේ රෙගුලාසි ද මේ අනුව ඉවත් වනු ඇති.
එහෙත් ගුවන් යානා තුළ – දුම්රිය – බස් සහ ට්‍රෑම් රථ තුළ මුහුණු ආවරණ පැළඳ සිටීම තවදුරටත් අනිවාර්ය වනවා.
අධ්‍යාපන – ආහාර බෙදාහැරීම් – මාංශ සැකසුම් වැනි ක්ෂේත්‍ර කිහිපයක සේවකයන් සඳහා බලාත්මක වූ අනිවාර්ය 03 වන මාත්‍රා නියමයද මෙහිදී ඉවත් වනවා.
කෙසේවෙතත් residential aged care – disability care, healthcare සහ හදිසි සේවා සේවකයන් සඳහා 03 වන මාත්‍රාව ලබාගැනීම තවදුරටත් අනිවාර්ය වනු ඇති.
හුදකලා නීති සහ රෝහල්වල අමුත්තන් බැලීමට යාමේදී පණවා තිබූ රෙගුලාසි කිහිපයක්ද අද රාත්‍රියේ සිට ලිහිල් වනවා.
