ඔස්ටේ්‍රලියාව තුළ ටොයොටා මෝටර් රථ භාවිත කරන්නන් 260,000 කට පමණ ඩොලර් බිලියන 02 ක වන්දි මුදලක් හිමිවීමේ අවස්ථාව උදාවී තිබෙනවා.
මෙම වසර මුලදී ෆෙඩරල් අධිකරණයක් ලබාදුන් අධිකරණ නියෝගයක් අනුවයි මෙම වන්දි මුදල් හිමිවීමට නියමිතව ඇත්තේ.
2015 ඔක්තෝබර් 01 සිට 2020 අප්‍රේල් 23 දක්වා අලෙවි කරන ලද Toyota Hilux, Prado සහ Fortuner යන වර්ගවල මෝටර් රථවල පැවති කිසියම් දෝෂයක් හමුවේ අදාළ වාහන මිළදී ගත් පුද්ගලයන්ට එලෙස ඩොලර් බිලියන 02 ක වන්දියක් අනුමත වුණා.
මෙය සැළකෙන්නේ ඔස්ටේ්‍රලියා ඉතිහාසයේ වාණිජමය කරුණක් මත ලබාදීමට නියම කල ඉහළම දඩය ලෙසයි.
මෙම අධිකරණ තීන්දුවත් සමග අදාළ මාදිලිවල මෝටර් රථවල වෙළඳපොළ වටිනාකම සියයට 17.5 කින් පමණ අඩුවීමද විශේෂත්වයක්.
