බෝට්ටු ගමන වැරදුණු තවත් 41 ක් ඔස්ටේ්‍රලියාවෙන් පිටුවහල් කර කටුනායකට

NAVY BOAT

නීතිවිරෝධී ලෙස බෝට්ටු මගින් ඔස්ටේ්‍රලියාවට සංක්‍රමණය වීමට තැත් කළ ශ්‍රී ලාංකිකයන් 41 දෙනෙකු එරට වෙරළාරක්ෂක බළකායේ නිලධාරීන් පිරිසක් විසින් අත් අඩංගුවට ගෙන , ක්‍රිස්මස් දූපතේ රදවා තබා නැවතත් මෙරටට පිටුවහල් කර එවා තිබෙනවා.

මොවුන් මීගමුව, මුලතිව්, හලාවත, උඩප්පුව, තොඩුවාව සහ මාරවිල යන ප්‍රදේශවල පදිංචිකරුවන් බව සඳහන්.

මෙම පිරිසෙන් 35 දෙනෙකු වැඩිහිටියන් වූ අතර අනෙක් 06 දෙනා අවුරුදු 16 ට අඩු ළමුන් වනවා.

මෙම ශ්‍රී ලාංකිකයන් ක්‍රිස්මස් දූපතේ සිට කටුනායක ගුවන් තොටුපළ වෙත එවා තිබූ අතර 100 කට අධික ඔස්ටේ්‍රලියානු ආරක්ෂක නිලධාරීන් පිරිසක් ද එම ගුවන් යානයෙන් කටුනායක ගුවන් තොටුපළ වෙත පැමිණ තිබුණා.

මේ පිළිබඳව වැඩිදුර විමර්ශන කටයුතු සිදු කිරීම සදහා මෙම පිරිස කටුනායක ගුවන් තොටුපළ අපරාධ පරීක්ෂණ දෙපාර්තමේන්තු නිලධාරීන් වෙත භාර දීමට පියවර ගෙන තිබූණා.

පසුව මෙම ශ්‍රී ලාංකිකයන් පිරිස ඊයේ රාත්‍රී මීගමුව අතිරේක මහේස්ත්‍රාත් මාලන් ජයසූරිය මහතා වෙත ඉදිරිපත් කළ අතර එහිදී මෙම ශ්‍රී ලාංකිකයන් අතර සිටි 37 දෙනෙකු ශරීර ඇප මත මුදා හැර තිබෙනවා.

මෙම මුහුදු ගමන සංවිධාන කිරීමට ඍජුවම දායක වූ 04 දෙනෙකු රක්ෂිත බන්ධනාගාර ගත කිරීමටයි අධිකරණය නියෝග කර තිබුණේ.

නඩුව ලබන 30 වනදා යළිත් මීගමුව මහේස්ත්‍රාත් අධිකරණයේ කැදවීමට නියමිතයි.

පැපුවා නිව්ගිනි රාජ්‍යයේ නාය යාමෙන් 670ක් මියගොස් ඇතැයි තොරතුරු

පැපුවා නිව්ගිනි රාජ්‍යයේ උස්බිම් ප්‍රදේශයක සිදු වූ නාය යෑමෙන් පුද්ගලයන් 670 කට වැඩි පිරිසක් මේ වන විට මිය ගොස් ඇතැයි සැක මතුවී තිබෙනවා.

Read More »

LPL තරඟාවලියේ සන්නාම තානාපති ධුරය මයිකල් ක්ලාක්ට

2015 වසරේ ලෝක කුසලානය ජයග්‍රහණය කළ ඔස්ට්‍රේලියා කණ්ඩායමේ නායක මයිකල් ක්ලාක් ශ්‍රී ලංකා ප්‍රිමියර් ලීග් ( LPL 2024) තරගාවලියේ සන්නාම තානාපති ලෙස පත් කර තිබෙනවා.

Read More »

වික්ටෝරියා ප්‍රාන්තයේ ජාතික වනෝද්‍යාන පිහිටුවීමට එරෙහිව විරෝධතාවක්

වික්ටෝරියා ප්‍රාන්තයේ තවත් ජාතික වනෝද්‍යාන පිහිටුවීමේ සැලසුමට එරෙහිව විශාල පිරිසක් විරෝධතාවක් ආරම්භ කර තිබෙනවා.

Read More »

ප්‍රසාද දීමනාවක් ගැන පැතිර යන ව්‍යාජ පණිවුඩයක් ගැන දැනුම්දීමක්

ප්‍රසාද දීමනාවක් ලබා දෙන බව පවසමින් පැතිර යන ව්‍යාජ පණිවුඩයක් සම්බන්ධයෙන් සෙන්ටර්ලින්ක් (Centrelink) පාරිභෝගිකයින්ට හදිසි අනතුරු ඇඟවීමක් සිදු කර තිබෙනවා.

Read More »