ශ්‍රී ලංකාවට එරෙහි පළමු එක්දින තරගයෙන් ඩක්වත් ලුවිස් න්‍යාය අනුව කඩුලු 02 ක ජයක් හිමිකර ගැනීමට ඔස්ටේ්‍රලියාව සමත්වුණා.
පල්ලේකැලේ ක්‍රීඩාංගණයේ පැවති තරගයේ කාසියේ වාසිය දිනා පළමුවෙන් පන්දුවට පහරදුන් ශ්‍රී ලංකාව නියමිත පන්දුවාර 50 අවසානයේ කඩුලූ 07 ක් දැවී ලබාගත් ළකුණු සංඛ්‍යාව 300 ක්.
කුසල් මෙන්ඩිස් නොදැවී 86 යි.
පැතුම් නිස්සංක 56 ක්ද – ධනුෂ්ක ගුණතිලක 55 ක්ද – චරිත් අසලංක හා වනිඳු හසරංග 37 බැගින්ද ලබාගත්තා.
ඔස්ටේ්‍රලියා පිළිතුරු ඉණිමේදී වර්ෂාවෙන් බාධා එල්ලවීම හමුවේ ඩක්වත් ලුවිස් න්‍යාය අනුව පන්දුවාර 44 කදී තරගය ජයගැනීමට ඔවුන්ට හිමිවූ ඉලක්කය ළකුණු 282 ක්.
එය පන්දුවාර 42 යි පන්දු 03 කදී සපුරා ගැනීමට ඔවුන් සමත්වුණා.
තරගයේ වීරයා වූ ග්ලෙන් මැක්ස්වෙල් නොදැවී 80 යි.
ස්ටීවන් ස්මිත් 53 ක්ද ඒරන් ෆින්ච් හා මාර්කස් ස්ටොයිනිස් ළකුණු 44 බැගින්ද ලබාගත්තා.
පන්දු යැවීමේදී වනිඳු හසරංග ළකුණු 58 කට කඩුලු 04 ක්ද සිය පළමු එක්දින තරගයට ක්‍රීඩා කල දුනිත් වෙල්ලාලගේ ළකුණු 49 කට කඩුලු 02 ක් ද බිඳහෙලුවා.
දෙරට අතර දෙවන එක්දින තරගය 16 පල්ලේකැලේ හිදී පැවැත්වීමට නියමිතයි.
