ගාල්ලේ ලංකා – ඔස්ටේ්‍රලියා ටෙස්ට් තරගය ශේන් වෝන් වෙනුවෙන් වෙන් කරයි

ගාල්ලේදී පැවැත්වෙන ශ්‍රී ලංකා – ඔස්ටේ්‍රලියා ටෙස්ට් තරගය හිටපු ප්‍රවීණ ක්‍රීඩක ශේන් වෝන් වෙනුවෙන් වෙන් කිරීමට තීරණය කර තිබෙනවා.

ට්විටර් සටහනක් තබමින් සංචාරක අමාත්‍ය හරීන් ප්‍රනාන්දු සඳහන් කලේ ශ්‍රී ලංකා ක්‍රිකට් ආයතනය සහ සංචාරක අමාත්‍යංශය එක්ව ඊට අවශ්‍ය කටයුතු සූදානම් කර ඇති බවයි.

ශේන් වෝන් ගේ පවුලේ සමාජිකයන්ද මෙම ක්‍රිකට් තරගය නැරඹීම සඳහා පැමිණෙන බවට ඔස්ටේ්‍රලියා ක්‍රිකට් ආයතනයේ ප්‍රධාන විධායක නිළධාරී විසින් තහවුරු කර ඇති බවද අමාත්‍ය හරීන් ප්‍රනාන්දු වැඩිදුරටත් සඳහන් කලා.

මේ අතර ශ්‍රී ලංකාව සමග පැවැත්වෙන එක්දින තරගාවලියේ මුල් තරග කිහිපය ඔස්ටේ්‍රලියා වේග පන්දු යවන ක්‍රීඩක මිචෙල් ස්ටාර්ක් ට අහිමිවී තිබෙනවා.

ඒ පළමු පන්දුවාර 20 තරගයේදී ඔහු ආබාධයකට ගොදුරුවීම හේතුවෙනුයි.

ඇතැම්විට සමස්ත එක්දින තරගාවලියම මිචෙල් ස්ටාර්ක්ට අහිමිවිය හැකි බවටයි අනාවැකි පළවන්නේ.

දෙරට අතර පළමු එක්දින තරගය අනිද්දා පල්ලේකැලේ හිදී පැවැත්වීමට නියමිතයි.

Coles සහ Woolworths දැන දැන කල හොර වැඩක් හෙළිවෙයි

සේවකයන්ට අඩුවෙන් වැටුප් ගෙවා ඇතැයි කියන චෝදනා සම්බන්ධයෙන් Coles සහ Woolworths යන සුපිරි වෙළඳසැල් ජාලවලට එරෙහි නඩුවක් ෆෙඩරල් අධිකරණයක් හමුවේ විභාග කිරීම ආරම්භ වී තිබෙනවා.

Read More »

තමන්ව ඔස්ට්‍රේලියාවට ගෙන්වා ගන්නැයි IS සටන්කාමීන්ගේ ඥාතීන්ගෙන් ඉල්ලීමක්

සිරියාවේ රැඳවුම් කඳවුරක සිටින ඔස්ට්‍රේලියානු පුරවැසි කාන්තාවන් සහ ළමුන් පිරිසක් ස්වදේශ කටයුතු දෙපාර්තමේන්තුවට එරෙහිව අධිකරණ ක්‍රියාමාර්ගයක් ආරම්භ කර තිබෙනවා.

Read More »

සමාන රැකියාවට සමාන වැටුපට විරෝධයක්

එකම ආයතනයක සමාන මට්ටමේ රැකියා කරන සියල්ලන්ට සමාන වැටුපක් දිය යුතු බවට ෆෙඩරල් රජය විසින් ගෙන ඒමට යන සංශෝධනයට මහා පරිමාණ ව්‍යාපාර මෙන්ම සුලු පරිමාණ ව්‍යාපාර හිමියන්ද විරෝධය පළ කර තිබෙනවා.

Read More »

ගුවන් ගාස්තු අඩු කරන්නැයි ෆෙඩරල් රජයට නිර්දේශ

අවලංගු කෙරෙන සහ ප්‍රමාදයන්ට ලක්වන ගුවන් ගමන් වාර වෙනුවෙන් මගීන්ට නිසි වන්දි හිමිවන ක්‍රමවේදයක් සකස් කිරීමට ෆෙඩරල් රජය වහා පියවර ගත යුතු බව ඔස්ට්‍රේලියා පාරිභෝගික කොමිසම පවසනවා.

Read More »