ශ්‍රී ලංකා – ඔස්ටේ්‍රලියා ක්‍රිකට් තරගාවලියට අදාල ප්‍රවේශපත්‍ර මිළදී ගැනීම සදහා අනිද්දා සිට ප්‍රේක්ෂකයන්ට අවස්ථාව හිමිවන බව ශ්‍රී ලංකා ක්‍රිකට් ආයතනය නිවේදනය කරනවා.
ශ්‍රී ලංකා ක්‍රිකට් ආයතනයෙන් අනිද්දා පෙරවරු 09 යි 30 සිට සිට එම ටිකට්පත් මිළදි ගත හැකියි. මාර්ගගත ක්‍රමයට ප්‍රවේශපත්‍ර මිළදි ගැනීමටද අවස්ථාව පවතින අතර ඒ සදහා ක්‍රිකට් ආයතනයේ නිළ වෙබ් අඩවියෙන් අවස්ථාව හිමිවනවා.
රුපියල් 300 සිට 7500 දක්වා කාණ්ඩ යටතේ ප්‍රවේශපත්‍ර මිළට ගත හැකියි.
පල්ලේකැලේ ජාත්‍යන්තර ක්‍රීඩාංගනයේදී ජූනි 08 වැනිදා සිට ප්‍රවේශපත් අලෙවිය සිදු කෙරෙන අතර ගාල්ල ජාත්‍යන්තර ක්‍රීඩාංගනයේදි ප්‍රවේශපත්‍ර අලෙවිය සිදු කෙරෙන්නේ ජූනි 26 වනදා සිටයි.
තරග පැවැත්වෙන දිනවලදී තරග පැවැත්වෙන ක්‍රීඩාංගන ආශ්‍රීතව ප්‍රවේශපත්‍ර මිළදී ගැනිමේ හැකියාවක් නැහැ.
