ප්‍රධාන පුහුණුකරු නොමැතිව ඔස්ටේ්‍රලියා ක්‍රිකට් කණ්ඩායම ශ්‍රී ලංකා සංචාරය බලා පැමිණ තිබෙනවා.
ප්‍රධාන පුහුණුකරු ඇන්ඩෲ මැක්ඩොනල්ඩ් ට කොවිඩ් වැළඳීම ඊට හේතුවයි.
ඔස්ටේ්‍රලියා ක්‍රිකට් කණ්ඩායම අද රාත්‍රියේ ශ්‍රී ලංකාවට ළගාවීමට නියමිතව තිබෙනවා.
පන්දුවාර 20 තරග සඳහා ක්‍රීඩා කරන සංචිතයයි පළමුවෙන් පැමිණ ඇත්තේ.
එක්දින සහ ටෙස්ට් සංචිත මෙම සතිය අගභාගයේදී ශ්‍රී ලංකාව බලා පැමිණීමට නියමිතව තිබෙනවා.
ඔස්ටේ්‍රලියා ප්‍රධාන පුහුණුකරු ඇන්ඩෲ මැක්ඩොනල්ඩ් දින 07 ක් මෙල්බන් හි හුදකලාව සිටිනු ඇති.
කෙසේවෙතත් ඔහු 02 වන පන්දුවාර 20 තරගයට පෙර කොළඹට පැමිණීමට නියමිත බවයි ඔස්ටේ්‍රලියා ක්‍රිකට් ආයතනය නිකුත් කර ඇති නිවේදනයක දැක්වෙන්නේ.
ඔස්ටේ්‍රලියා – ශ්‍රී ලංකා ක්‍රිකට් තරගාවලිය සැළසුම් කර ඇති පරිදිම පැවැත්වෙන අතර පන්දුවාර 20 තරග 03 ක් – එක්දින තරග 05 ක් සහ ටෙස්ට් තරග 02 ක් මෙම සංචාරයට ඇතුළත්.
පළමු පන්දුවාර 20 තරගය ලබන 07 වනදා කොළඹ ආර් ප්‍රේමදාස ක්‍රීඩාංගණයේදී පැවැත්විමට නියමිතයි.
