ලිබරල් පක්ෂයේ සහ Nationals පක්ෂයේ නව නායකයන් තෝරා ගැනීම කැන්බරා නුවරදී අද සිදුකෙරෙනවා.
හිටපු අගමැති ස්කොට් මොරිසන් මැතිවරණ පරාජයත් සමග ඉල්ලා අස්වීමෙන් ලිබරල් පක්ෂයේ නායකත්වය පුරප්පාඩු වුණා.
Nationals පක්ෂයේ නියෝජ්‍ය නායක ඇතුලු කිහිප දෙනෙකු විසින් බාර්නබි ජොයිස් ගේ නායකත්වයට අභියෝග කිරීමත් සමගයි එහි නායකත්වය වෙනස් වන ළකුණු පළවී ඇත්තේ.
ලිබරල් පක්ෂයේ නායකත්වයට හිටපු ආරක්ෂක ඇමති පීටර් ඩට්න් පමණක් ඉදිරිපත් වනු ඇති බවත් ඡන්ද විමසීමකින් තොරවම නිතරගයෙන් නව නායකයා තෝරා ගැනෙනු ඇති බවත් අභ්‍යන්තර ආරංචි මාර්ග තහවුරු කලා.
කෙසේවෙතත් Nationals පක්ෂයේ නායකත්වයට කිහිප දෙනෙකු ඉදරිපත්ව සිටින බැවින් රහස් ඡන්දයකින් නව නායකයා තෝරා ගැනෙනු ඇති බවටයි වාර්තා පළවන්නේ.
