දිනකට ගමන් බලපත්‍ර සඳහා සේවාදායකයන් 1500 සිමාව ඉක්මවා සේවා කටයුතු ලබාදීම සිදුවන අතර මේ වන විට දිවයිනේ පවතින අර්බුදකාරී තත්ත්වය හේතුවෙන් ගමන් බලපත්‍ර සේවා ලබාගැනීම සඳහා දිනකට සේවා
සපයන සිමාව ඉක්මවා පැමිණීමක් වාර්තා වන බව ආගමන හා විගමන දෙපාර්තමේන්තුව ප්‍රකාශ කර තිබේ.
ඊයේ (27) දිනයේ ගමන් බලපත්‍ර සේවාව ලබාගැනීම සඳහා ටෝකන් පත්‍ර 2500ක් නිකුත් කර තිබෙන අතර ඊට සීමාව ඉක්මවා ගමන් බලපත්‍ර ලබාගැනීම සඳහා එළිමහනේ රැඳීසිටි බවට තොරතුරු වාර්තා වේ.
ගමන් බලපත්‍ර ලබාගැනීම සඳහා දිනකට කැඳවීම් සිදු කරන්නේ ටෝකන් ක්‍රමයට 2500ක පමණ පිරිසකට වන අතර එම සීමාව ඉක්මවා පැමිණීම නිසා දෙපාර්තමේන්තුව පරිශ්‍රයේ දැඩි තදබදයක් ද හටගෙන තිබේ.
ඒ හේතුවෙන් එළිමහනේ රැඳී සිටින පිරිස අතර විවිධ අවස්ථාවල දී උණුසුම්කාරී තත්ත්වයන් ද ඇතිවූ අතර
දෙපාර්තමේන්තුවේ ආරක්ෂාව වෙනුවෙන් සේවය කරන පොලිස් නිලධාරින් සමග ද පැමිණ සිටින පිරිස් මතභේද ඇති කරගත් සිදුවීම් ද වාර්තා වේ.
