අඛණ්ඩව 04 වන මාසයටත් ඔස්ටේ්‍රලියාව තුළ සිල්ලර වෙළඳාම පෙර මාසයට සාපේක්ෂව ඉහළ ගොස් තිබෙනවා.
මාර්තු මාසයට වඩා අප්‍රේල් මාසයේදී එම පිරිවැටුම සියයට 0.9 කින් වැඩිවී ඇති බවයි සංඛ්‍යාලේඛණ දෙපාර්තමේන්තුව සඳහන් කලේ.
විශේෂයෙන් ආහාර මිළ ගණන් කැපී පෙනෙන ලෙස ඉහළයාම හමුවේ ඔස්ටේ්‍රලියානුවන් විසින් සිදුකරන වියදම් කිරීම්ද ඉහළයාම මීට ප්‍රධාන හේතුවයි.
Cafe- අවන්හල් සහ Take away ක්‍රම යටතේ ආහාර මිළයට ගැනීම් මාර්තු මාසයට සාපේක්ෂව සියයට 3.3 කින් වැඩිවී තිබෙනවා.
රෙදි පිළි – පාවහන් ඇතුලු අනෙකුත් පුද්ගලික දෑ මිළයට ගැනීම සියයට 3.1 ක් ඉහළගොස් ඇති බවයි සංඛ්‍යාලේඛණ කාර්යාංශය සඳහන් කරන්නේ.
ප්‍රාන්ත වශයෙන් සැළකීමේදී වැඩිම පිරිවැටුම සටහන් කර ඇත්තේ ටස්මේනියාවෙන් වන අතර අඩුම පිරිවැටුම සටහන් වන්නේ ACT ප්‍රාන්තයෙනුයි.
