මුහුදු මාර්ගයෙන් වෙනත් රටකට අනවසරයෙන් සංක්‍රමණය වීමට උත්සාහ කළ බවට සැක කෙරෙන තවත් පුද්ගලයන් 45 දෙනෙකු දකුණු සහ බටහිර මුහුදු ප්‍රදේශවලදී නාවික හමුදා භාරයට ගෙන තිබෙනවා.
බහුදින ධීවර යාත්‍රා දෙකකින් ගමන් කරමින් සිටියදීයි මොවුන් නාවික හමුදා භාරයට ගෙන තිබුණේ.
ඉන් එක් යාත්‍රාවක පුද්ගලයන් 26 ක්ද අනෙක් යාත්‍රාවේ පුද්ගලයන් 19 ක්ද සිටි බව නාවික හමුදාව සඳහන් කලා.
සැකකරුවන් කල්පිටිය, හලාවත, පුත්තලම, මීගමුව සහ කිලිනොච්චිය යන ප්‍රදේශවල පදිංචිකරුවන් බවට හඳුනාගෙන තිබෙනවා.
නාවික හමුදා භාරයට ගත් මෙම පුද්ගලයින් සහ බහුදින ධීවර යාත්‍රා ඉදිරි නීතිමය කටයුතු සඳහා අදාල අංශ වෙත යොමු කිරීමට නියමිතයි.
