ඔස්ටේ්‍රලියාව තුළ රැකියා වෙනස් කිරීමේ ප්‍රතිශතය වසර 10 කට පසු ඉහළම අගය වාර්තා කර තිබෙනවා.
ඔස්ටේ්‍රලියානු සංඛ්‍යාලේඛණ කාර්යාංශ වාර්තා පෙන්වාදෙන්නේ මෙම වසරේ පෙබරවාරි මාසයෙන් අවසන්වූ මාස 12 තුළදී සියයට 9.5 කට ආසන්න පිරිසක් සිය රැකියාව හෝ රැකියා ස්ථානය වෙනස් කර ඇති බවයි.
කොව්ඩ් ආරම්භය සිදුවූ 2020 වසරේදී එය සියයට 7.5 ක් වැනි පහළ අගයක පැවතී තිබුණා.
කෙසේවෙතත් කොවිඩ් තත්වය පහවගොස් රැකියා වෙළඳපොළ යලිත් ප්‍රකෘතිවීමත් සමග 2021-22 වසරේදී ලක්ෂ 13 කට ආසන්න පිරිසක් රැකියාව වෙනස් කර ඇති බවයි සංඛ්‍යාලේඛණ කාර්යාංශ වාර්තා පෙන්වාදෙන්නේ.
එය පෙර වසරට වඩා ලක්ෂ 03 ක ඉහළයාමක්ද වන අතර මෙයින්ද වැඩි පිරිසක් කාන්තාවන් බව සඳහන්.
වැඩිම පිරිසක් සිය රැකියාව වෙනස් කර ඇත්තේ පරිපාලන – යන්ත්‍ර ක්‍රියාකරුවන් – රියදුරන් ලෙස රැකියාව කල පිරිස් බවද මෙම වාර්තාවේ දැක්වෙනවා.
