මැතිවරණ දින ලාංකික අනවසර සංක්‍රමණිකයන් ආපසු ශ්‍රී ලංකාවට හරවා යවයි – AusLanka TV – Australian News for the Sri Lankan community

මැතිවරණ දින ලාංකික අනවසර සංක්‍රමණිකයන් ආපසු ශ්‍රී ලංකාවට හරවා යවයි

මැතිවරණ දින ලාංකික අනවසර සංක්‍රමණිකයන් ආපසු ශ්‍රී ලංකාවට හරවා යවයි

නීති විරෝධීව ඔස්ටේ්‍රලියාවට පැමිණීමේදී පසුගිය සෙනසුරාදා දිනයේදී එනම් ෆෙඩරල් මැතිවරණ දිනයේදී දේශ සීමා ආරක්ෂණ නිළධාරීන් භාරයට ගනු ලැබූ ලාංකික අනවසර සංක්‍රමණිකයන් කණ්ඩායම ආපසු ශ්‍රී ලංකාවට හරවා යවා තිබෙනවා.

මෙය වත්මන් ලේබර් පක්ෂ රජය යටතේ ආපසු හරවා යවනු ලැබූ පළමු අනවසර සංක්‍රමණික බෝට්ටුවද වනවා.

සංක්‍රමණිකයන් 15 දෙනෙකු මෙම යාත්‍රාවේ පැමිණ ඇති බව සඳහන්.

ලේබර් රජයක් යටතේ වුවද ඔස්ටේ්‍රලියා දේශ සීමා ආරක්ෂණ නීතිවල කිසිදු වෙනසක් සිදුවී නොමැති බව මෙමගින් තහවුරු කෙරෙන බව වැඩබලන අගමැති රිචර්ඩ් මාර්ල්ස් සඳහන් කලේ.

දේශ සීමා බලකාය අවධාරණය කරන්නේ නීති විරෝධිව ඔස්ටේ්‍රලියාවට පැමිණෙන කවර හෝ බෝට්ටුවක් ආපසු හරවා යැවීම අඛණ්ඩව සිදුකරන බවයි.

මේ අතර මෙම සිද්ධිය පදනම් කරගෙන අයුතු මැතිවරණ වාසියක් ගැනීමට ලිබරල් පක්ෂය කටයුතු කල බවට වන චෝදනා සම්බන්ධයෙන්ද විමර්ශනයක් ආරම්භ වී තිබෙනවා.

COMMENTS