හොරපාරෙන් ලංකාවෙන් පනින්න ගිය තවත් 67 ක් අල්ලයි

නීති විරෝධී ලෙස ශ්‍රී ලංකාවෙන් සංක්‍රමණය වීමට උත්සහ කළ පුද්ගලයන් 67 දෙනෙකු ත්‍රිකුණාමලයේදී නාවික හමුදා භාරයට ගෙන තිබෙනවා.

සාම්පල්තිව් සහ ත්‍රිකුණාමලයට ඔබ්බෙන් වූ මුහුදු ප්‍රදේශයේ ඊයේ රාත්‍රියේ සිදුකළ විශේෂ සෝදිසි මෙහෙයුමකදීයි මෙම පිරිස නාවික හමුදා භාරයට ගෙන ඇත්තේ.

වයස අවුරුදු 30 ත් 40 ත් අතර පසුවන පිරිමි 12 ක් සමග ත්‍රී රෝද රථ 02 ක්, කැබ් රථයක් සහ වෑන් රථයක් පළමුවෙන් අත්අඩංගුවට ගෙන තිබුණා.

අනතුරුව, එම සැකකරුවන්ගෙන් අනාවරණය වූ තොරතුරු මත ත්‍රිකුණාමලයට ඔබ්බෙන් වූ මුහුදු ප්‍රදේශයේ ඊයේ රාත්‍රියේ සිදුකළ සෝදිසි මෙහෙයුමකදී සැකකටයුතු බහුදින ධීවර යාත්‍රාවක් නිරීක්ෂණය කර පරීක්ෂාවට ලක් කර තිබෙනවා.

එහිදී, එම බහුදින ධීවර යාත්‍රාවේ සිටි නීති විරෝධී ලෙස මුහුදු මාර්ග ඔස්සේ මෙරටින් විදෙස් රටකට සංක්‍රමණය වීමට උත්සාහ කල බවට සැක කෙරෙන ජාවාරමට සම්බන්ධ පුද්ගලයන් 05 දෙනෙකුද ඇතුළුව, පිරිමි 45 ක්, කාත්තාවන් 07 ක් සහ කුඩා දරුවන් 03 ක් ඇතුළු වයස අවුරුදු 03 ත් 53 ත් අතර වයසේ පසුවන පුද්ගලයන් 55 දෙනෙකු එම බහුදින ධීවර යාත්‍රාව සමග නාවික හමුදා භාරයට ගෙන තිබෙනවා.

මෙම පිරිස යාපනය, ත්‍රිකුණාමලය, මඩකළපුව, පුත්තලම, අම්පාර, රත්නපුරය, ගම්පහ සහ කොළඹ යන ප්‍රදේශවල පදිංචිකරුවන් බවට හඳුනා ගෙන තිබෙනවා.

සැකකරුවනව් නිලාවේලි – උප්පුවේලී සහ ත්‍රිකුණාමලය වරාය යන පොලිස් ස්ථාන වෙත භාදිීමට නියමිතයි.

Today’s Top Stories 2024.04.18

පිහි ඇනුමට ලක්වූ බිෂොප්වරයාගෙන් විශේෂ ප්‍රකාශයක් බාලි වෙත යන සංචාරකයන්ට අනතුරු ඇඟවීමක් පිළිකාවකට ප්‍රතිකාරයක් අත්හදා බැලීම ඔස්ට්‍රේලියාවෙන් ඇරඹෙයි වැටුප් සමග වැඩියෙන් නිවාඩු ගැනීමට හැකි නව යෝජනාවක් ඩුබායි යන ගුවන් මගීන්ට විශේෂ දැනුම්දීමක්

Read More »

දේව මෙහෙය අතර පිහි ඇනුමට ලක්වූ බිෂොප්වරයාගෙන් පළමු වරට විශේෂ ප්‍රකාශයක්

අන්තර්ජාලය ඔස්සේ විකාශය වෙමින් තිබූ දේව මෙහෙය අතර තමාට පිහියෙන් අනිනු ලැබූ තරුණයාට සමාව දෙන බව මාරි එම්මානුවෙල් රදගුරුතුමා පවසනවා.

Read More »