මෙම වසරේදී රැකියා සඳහා විදෙස් ගතවීම සියයට 286 කින් ඉහළට ගොස් ඇතැයි විදේශ සේවා නියුක්ති කාර්යාංශය නිවේදනය කරනවා.
ඒ අනුව මෙම වසරේ මුල් මාස පහ තුල මේ දක්වා ස්වයං මාර්ගයෙන් හා බලපත්‍රලාභී විදේශ රැකියා නියෝජිතායතන මාර්ගයෙන් විදේශ රැකියා සඳහා පුද්ගලයන් 105,821 දෙනකු පිටත්ව ගොස් ඇති බවයි කාර්යාංශය සඳහන් කළේ.
එය පසුගිය වසරේ මුල් මාස පහට සාපෙක්ෂව සියයට 286 කින් ඉහළ යාමක් බව සදහන්.
කාර්යාංශයේ දත්ත වාර්තාවලට අනුව 2021 වසරේ මුල් මාස 5 තුල 27,360 දෙනෙකු රැකියා සදහා පිටත්ව ගොස් ඇති අතර එය මේ වසරේ 78, 461 කින් ඉහල ගොස් තිබෙනවා.
ස්වයං මාර්ගයෙන් වැඩිම පිරිසක් රැකියා සඳහා විදේශ ගතවී ඇත්තේ කටාර් රාජ්‍යයටයි.
එම සංඛ්‍යාව 19,133 ක්.
කුවේටය සදහා 12,701 ක් ද එක්සත් අරාබි එමිර් රාජ්‍යයට 11,000 ක් හා දකුණු කොරියාවට 1754 දෙනෙකු රැකියා සඳහා පිටව ගොස් ඇතැයි සදහන්.
මහ බැංකු වාර්තාවලට අනුව මෙම වසරේ මුල් මාස 03 තුල විදේශ රැකියා ලාභීන් විසින් සිදුකළ ප්‍රේෂණ අමරිකානු ඩොලර් මිලියන 783 ක් වනවා.
