ගාලු මුවදොර සහ අරලිය ගහ මන්දිරය අසල විරෝධතාකරුවන්ට පහරදීමේ සිද්ධියට අදාළව මොරටුව නගරාධිපති සමන් ලාල් ප්‍රනාන්දු / සීතාවකපුර ප්‍රාදේශීය සභාවේ සභාපති ජයන්ත රෝහණ /
කැළණිය ප්‍රාදේශීය සභාවේ මන්ත්‍රී මංජුල ප්‍රසන්න සහ ඩෑන් ප්‍රියසාද් නමැත්තා අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන තිබෙනවා.
මේ අතර බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන්ගෙන් අපරාධ පරික්ෂණ දෙපාර්තමේන්තුව විසින් පැය 10 කට ආසන්න කාලයක් ප්‍රකාශයක් සටහන් කරගෙන තිබෙනවා.
පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නිහාල් තල්දූව සඳහන් කලේ අද අලුයම 01 ට පමණ ජ්‍යෙෂ්ඨ නියෝජ්‍ය පොලිස්පතිවරයා රහස් පොලිසියෙන් පිටත්ව ගොස් ඇති බවයි.
මේ අතර අදාළ සිදුවීම් සම්බන්ධයෙන් අත්අඩංගුවට ගත් සනත් නිශාන්ත සහ මිලාන් ජයතිලක යන මන්ත්‍රීවරුන් අද කොටුව මහේස්ත්‍රාත් අධිකරණයට ඉදිරිපත් කිරීමට නියමිතයි.
