Breaking: රංජිත් සියඹලාපිටිය යළිත් ඉල්ලා අස්වෙයි

ඊයේ තේරී පත් වූ නියෝජ්‍ය කතානායක රංජිත් සියඹලාපිටිය එම ධුරයෙන් ඉල්ලා අස්වීමේ ලිපිය ජනාධිපති ගෝඨාභය රාජපක්ෂ වෙත යොමුකර තිබෙනවා.

ඊයේ නියෝජ්‍ය කතානායක තනතුර සඳහා පැවති ඡන්ද විමසීමේදී ඔහුට පක්ෂව ඡන්ද 148ක් හිමිවුණා.

මීට පෙර ද නියෝජ්‍ය කතානායක ධුරයේ කටයුතු කළ කෑගල්ල දිස්ත්‍රික් පාර්ලිමේන්තු මන්ත්‍රීවරයා එම ධුරයෙන් ඉල්ලා අස්වන බව මීට සති දෙකකට පමණ පෙර ජනාධිපතිවරයාට දන්වා ලිපියක් යොමුකර තිබුණා.

කෙසේවෙතත් ජනාධිපතිවරයා ඔහුගේ ඉල්ලා අස්වීමේ ලිපිය භාරගනු ලැබුවේ මීට දින 4කට පෙරයි.

ඉන් අනතුරුව ඊයේ දිනයේදී නැවතත් ඔහුගේ නම නියෝජ්‍ය කතානායක ධුරය සඳහා පාර්ලිමේන්තුවේදී යෝජනා කෙරුණා.

ඔහුගේ නම නියෝජ්‍ය කතානායක ධුරය සඳහා යෝජනා කිරීමත් සමගම ආණ්ඩු පක්ෂයේ අමාත්‍ය ජී එල් පීරිස් විසින් එම යෝජනාවට ආණ්ඩු පක්ෂයේ සහයෝගය ලැබෙන බව ප්‍රකාශකර සිටියා.

මෙහිදී විපක්ෂය විසින් නියෝජ්‍ය කතානායක ධුරය සඳහා ඉමිතියාස් බාකීර් මාකර් ගේ නම යෝජනා කළ අතර රහස් ඡන්ද විමසීමක් සිදු කෙරුණේ ඉන් අනතුරුවයි.

එහිදී රංජිත් සියඹලාපිටියට පක්ෂව ඡන්ද 148ක් ලැබී තිබූ අතර ඉමිතියාස් බාකීර් මාකර්ට පක්ෂව ලැබී තිබුණේ ඡන්ද 65ක් පමණයි.

යුද විරුවන් සමරන ANZAC දිනය වෙනුවෙන් සැමරුම් වැඩසටහන් රැසක්

දෙවන ලෝක යුද සමයේදී සහ අනෙකුත් යුද ගැටුම්වලදී මියගිය ඔස්ට්‍රේලියා සහ නවසීලන්ත රණවිරුවන් සමරන ඇන්සක් (ANZAC) දිනය අදට යෙදී තිබෙනවා.

Read More »

වික්ටෝරියා ප්‍රාන්තයේ Skilled Visa Migration Nomination වැඩසටහන අවසන්

වික්ටෝරියා ප්‍රාන්තයේ 2023-2024 මූල්‍ය වර්ෂය සඳහා නිපුණතා සංක්‍රමණ වීසා වැඩසටහනට (Skilled Visa Migration Nomination Program) ලියාපදිංචි වීමට ලබාදුන් කාල සීමාව අවසන් වී තිබෙනවා.

Read More »

ඔස්ට්‍රේලියාවේදී ඇගයීමට ලක්වූ ශ්‍රී ලාංකීය කිරිබත්

ඔස්ට්‍රේලියාවේ මාස්ටර් චෙෆ් තරඟාවලිය සඳහා ඉදිරිපත් වූ ශ්‍රී ලාංකික තරුණියක් පිළිබඳ මේ වන විට සමාජ මාධ්‍ය ඔස්සේ වැඩි අවධානයක් යොමුවී තිබෙනවා.

Read More »