නිල පොළී අනුපාත ඉහළ දැමීමට ඔස්ටේ්‍රලියානු සංචිත බැංකුව ගත් තීරණය නිවාස වෙළඳපොළට සෘජුවම බලපාන බව ආර්ථික විශ්ලේෂකයන් පෙන්වා දෙනවා.
පොළී අනුපාත ඉහළ යාම හමුවේ නිවාස මිල පහත වැටීමට ඉඩ ඇති නමුත් නිවාස ණය ආපසු ගෙවීමේදී ගැණුම්කරුගේ හැකියාව විමසා බැලෙන තක්සේරු අනුපාතය තරමක් ඉහළ යනු ඇති.
එනම් පොළී අනුපාත ඉහල යාමට පෙර ලබාගත හැකිව තිබූ ණය මුදල ඇතැම්විට අඩුවීමේ අවධානමක් පවතිනවා.
කෙසේවෙතත්, පොලී අනුපාතික වැඩි කිරීමේ යහපත් ලක්ෂණයක් වනුයේ බැංකුවේ ඇති මුදල් ඉතුරුම් සඳහා පෙරට සාපේක්ෂව වැඩි පොලියක් ලැබීමයි.
2010 නොවැම්බර් මාසයේ සිට ඉහළ නොදැමුණු ඔස්ටේ්‍රලියාවේ නිල පොලී අනුපාතිකය 0.25% කින් ඉහළ දැමීමට මධ්‍යම බැංකුව ඊයේ තීරණය කලා.
ඉහළ යන උද්ධමනය ඊට හේතුවු අතර මෙම තත්වය ලබන වසරේ මැද භාගය දක්වා පවතිනු ඇතැයි අනාවැකි පළවනවා.
මෙම වසර අවසන් වන විට එය 1.5% ක් දක්වා වැඩිවී ලබන වසරේ මැද භාගය වන විට 2% ක් පමණ වනු ඇති බවටයි පුරෝකථනය කර ඇත්තේ.
