මා කොළඹ මහානාම විද්‍යාලයෙන් පාසැල් අධ්‍යාපනය හදාරා, කොළඹ විශ්ව විද්‍යාලයෙන් තොරතුරු තාක්ෂණය පිලිබඳ පළමු පන්තියේ ගෞරව උපාධියක් ලබා ගත්තේ එම වසරේ කොළඹ විශ්ව විද්‍යාලයේ පරිගණක අධ්‍යනායතනයේ විශිෂ්ඨතම සිසුවාට ලැබෙන රන් පදක්කමද දිනා ගනිමින්. එම විශ්ව විද්‍යාලයේම කථිකාචාර්යවරයෙක් ලෙස සේවය කරන අතර තුර,  ආචාර්ය උපාධිය සඳහා ඕස්ට්‍රේලියාවේ මොනෑෂ් විශ්ව විද්‍යාලයේ ශිෂ්‍යත්වයක් ලබා ගැනීමට මට අවස්ථාව උදා උනා.

පාසල් සමයේදී විෂය බාහිර කටයුතු ගණනාවක් සිදු කරමින් මා එක් කරගත් අත්දැකීම් බොහොමයි. ජනමාධ්‍ය ඒකකය, කථික හා විවාද සංගමය තුල සභාපති වශයෙන් මෙන්ම මහානාම විවාද කණ්ඩායම් නායකයා ලෙසත්, පාසලේ ප්‍රධාන නිවේදකයා ලෙසත් වසර ගණනක් කටයුතු කළා.  සමස්ත ලංකා අන්තර් පාඨශාලීය කථික තරඟ සහ නිවේදන තරඟ විස්සකට අධික ප්‍රමාණයක පළමු ස්ථාන දිනාගන්නටත්, මහානාම විවාද වෙනුවෙන් සමස්ත ලංකා අන්තර් පාඨශාලීය ශුරතා අනුශුරතා විස්සකට අධික ප්‍රමාණයක් දිනා දෙන්නටත් මා දායක උනා. ළමා නිවේදකයෙක් ලෙස ස්වර්ණවාහිනී ආයතයේ ජැක්සන් ඇන්තනී මහතා යටතේ කටයුතු කල වසර හතරකට ආසන්න කාලය තවත් අපූරු මතකයක්. ජේෂ්ඨ ශිෂ්‍ය නායකයෙකු ලෙසත්,  කලා සංගමය, විද්‍යා සංගමය, බෞද්ධ සංගමය ආදියේදීද මුලික තනතුරු ලබමින් මා කටයුතු කළා. මහානාමය අදත් සෙනෙහසින් මට ආශීර්වාද කරන බව මා  විශ්වාස කරනවා.

කොළඹ සරසවිය හරි අපූරු තැනක්. සරසවියේ ප්‍රධාන උත්සව ගණනාවකම ප්‍රධාන නිවේදකයා වශයෙන් මා මගේ දායකත්වය ලබා දුන්නා. සමස්ත ලංකා විශ්ව විද්‍යාල සිසුන් වෙනුවෙන් පැවැත්වූ ‘කවිතා’ තරගාවලියේ නිවේදන අංශයේ තුන්වන ස්ථානය කොළඹ සරසවියට  දිනා දෙන්නට මා සමත් උනා. මේ කාලයේදී තරුණ සේවා සභාවත් තරුණ කටයුතු අමාත්‍යංශයත් එක්ව සංවිධානය කළ ‘ශ්‍රී ලංකාවේ නැගී එන තරුණ නායකයා’ තරඟය ජය ගැනීම මගේ ගමනට වෙනත් මාවතක් විවර කළා. පසුව ශ්‍රී ලංකා තරුණ පාර්ලිමේන්තුවේ මන්ත්‍රී වරයෙකු ලෙසත්, ලෝක තරුණ සමුළුව නියෝජනය කළ ශ්‍රී ලංකා නියෝජිතයෙක් වීමටත් මට අවස්ථාව උදා උනා.

ආයෙත් මාගේ සුපුරුදු ඇබ්බැහි වීමට, මයික්‍රෆෝනයට, මට අවස්ථාවක් ලැබිලා.  AUS ලංකා TV ඔස්සේ අපි ළගදීම හමුවෙමු. මම හර්ෂ පෙරේරා…

දියතලාව Fox hill ධාවන තරගයේ අනතුරකින් ජීවිත 7ක් අහිමි වෙයි

දියතලාව ෆොක්ස් හිල් සුපර් ක්‍රොස් ධාවන තරගයේදී මෝටර් රථයක් ධාවන පථයෙන් ඉවතට පැන සිදු වූ අනතුරකින් පුද්ගලයන් 7 දෙනෙකු ජිවිතක්ෂයට පත්වී තවත් 20 දෙනෙකුට වැඩි පිරිසක් තුවාල ලබා රෝහල් ගත කර තිබෙනවා.

Read More »

ජපානයේ හෙලිකොප්ටර් දෙකක බිහිසුණු අනතුරක්

පැසිෆික් සාගර කලාපයේ රාත්‍රී අභ්‍යාසයක් අතරතුර හෙලිකොප්ටර් දෙකක් කඩා වැටීමෙන් ජපාන නාවික කාර්ය මණ්ඩල සාමාජිකයෙකු මිය ගොස් තවත් හත් දෙනෙකු අතුරුදහන් වී තිබෙනවා.

Read More »

අනාගතය වෙනුවෙන් සුපරීක්ෂාකාරී වන්නැයි ඔස්ට්‍රේලියානුවන්ට දැනුම්දීමක්

ඔස්ට්‍රේලියානුවන්ගේ විශ්‍රාම දිවිය වෙනුවෙන් මුදල් එක් රැස් කෙරෙන සුපර්ඇනුඒෂන් (superannuation) අරමුදල් වංචාවන් වැඩිවෙමින් පවතින බැවින් දැඩි අවධානයෙන් පසුවන ලෙස ඉල්ලීමක් කෙරෙනවා.

Read More »

TikTok වීඩියෝවක් නිසා මෙල්බන් කාන්තාවක් ලොව ජනප්‍රිය වෙයි

මෙල්බන්හි වෙස්ට් ගේට් පාලම මත මෝටර් රථයක ඉදිරිපස අසුනේ රූගත කරන ලද ටික්ටොක් විඩියෝවක් හේතුවෙන් මෙල්බන් කාන්තාවක් ලොව පුරා කතාබහට ලක්ව තිබෙනවා.

Read More »

ක්වීන්ස්ලන්ඩ් ප්‍රාන්තයේ ප්‍රදේශ රැසකට අනතුරු ඇඟවීම් කිහිපයක්

අද ක්වීන්ස්ලන්ඩ් ප්‍රාන්තයේ ප්‍රදේශ රැසකට ඇදහැලෙන වර්ෂාවක් සමඟ කාලගුණ අනතුරු ඇඟවීම් කිහිපයක් නිකුත් කර තිබෙනවා.

Read More »