මීටර් 400 කාන්තා කඩුළු මතින් දිවීමේ වත්මන් ජාතික ශූරිය වන කෞශල්‍යා මදුෂානි සිය දිවි නසාගෙන තිබෙනවා.
මළල ක්‍රීඩාවට උපන් හපන්කම් දැක් වූ ඇය මෙලෙස ජීවිතයෙන් පලි ගැනීමට හේතුව මෙතෙක් අනාවරණ වී නැතත් මිය යාමට පෙර ලියා තැබූ ලිපියක දක්වා ඇත්තේ මෙම මරණයට වගකිවයුත්තා තමන් ම බවයි.
කෞශල්‍යා මදුෂානිගේ වයස අවුරුදු 25ක්.
කුඩා කල සිට ම මළල ක්‍රීඩාවට උපන් හපන්කම් දැක් වූ කෞශල්‍යා අත්කර ගත් ජාතික මට්ටමේ ජයග්‍රහණයන් ද සුළුපටු නැහැ.
මීටර් 400 කාන්තා කඩුළුමතින් දිවීමේ වත්මන් ජාතික වාර්තාවට ද හිමිකම් කියූ ඇය සේවය කළේ යුද හමුදාවේයි.
පසුගියදා දියගම මහින්ද රාජපක්‍ෂ ක්‍රිඩාංගනයේ පැවති 100 වැනි ජාතික මළල ක්‍රීඩා තරගාවලියේ මීටර් 400 කාන්තා කඩුළු පැනීමේ ඉසව්වෙන් ද රන් පදක්කම දිනා ගැනීමට ඇය සමත් වුණා.
කෙසේ වෙතත් මව්බිම වෙනුවෙන් ජයග්‍රහණ රැසක් හිමිකරගත් මේ දක්‍ෂ ක්‍රීඩිකාව සිය දිවි නසාගෙන ජීවිතයෙන් සමුගෙන තිබෙනවා.
දුම්මලසූරිය පඩිවෙල ප්‍රදේශයේ පිහිටි ඇයගේ නිවස තුළ ගෙල වැළලා සියදිවි නසාගත් කෞශල්‍යා ඊට ප්‍රථම ලිපියක් ද ලියා තබා ඇති බවයි පැවසෙන්නේ.
මෙම මරණයට වගකිවයුත්තේ තමන්ම බවයි ඇය ලියා තැබූ ලිපියේ දක්වා ඇත්තේ.
මෙම මරණය සම්බන්ධයෙන් දුම්මලසූරිය පොලිසිය වැඩිදුර පරීක්‍ෂණ පවත්වනවා.
