මෙවර ෆෙඩරල් මැතිවරණයට අදාළව අගමැති ස්කොට් මොරිසන් සහ විපක්ෂ නායක ඇන්තනී ඇල්බනීස් අතර පළමු විවාදය ඊයේ රාත්‍රියේ බ්්‍රස්බන් නුවරදී පැවැත්වුණා.
දූෂණ මර්දන කොමිසම – විද්‍යුත් මෝටර් රථ – චීන බලපෑම් ඇතුලු කරුණු රැසක් කෙරෙහි එහිදී අපේක්ෂකයන් දෙදෙනා කරුණු පැහැදිලි කරනු ලැබුවා.
ජලගැලීම් හමුවේ බලපෑම් එල්ලවූ ජන කොටස් සඳහා ලබාදෙන සහන ඊයේ පැවති විවාදයේදී ප්‍රධාන මාතෘකාවක් බවට පත්වීම විශේෂත්වයක්.
අනවසර සංක්‍රමණ හා බෝට්ටු ආපසු හරවා යැවීම් සම්බන්ධයෙන් දෙදෙනා අතර උණුසුම් විවාදයක් පැවතුණා.
විචාරකයන් පවසන්නේ අගමැති මොරිසන් හා විපක්ෂ නායක ඇල්බනීස් යන දෙදෙනාම ඊයේ පැවති විවාදයේදී කරට කර සටනක පසුවූ බවයි.
