ශ්‍රී ලංකාවට ණය මුදලක් ලබාදීමට අදාළ කටයුතු මූලික අධියරේ පවතින බව ජාත්‍යන්තර මූල්‍ය අරමුදල පවසනවා.
කෙසේවෙතත් ණය පියවීමට අදාළ තිරසර වැඩපිළිවෙලක් මත පදනම්ව පමණක් ඉදිරි කටයුතු ක්‍රියාත්මක කෙරෙන බවයි මූල්‍ය අරමුදලේ ශ්‍රී ලංකා දූත මණ්ඩල ප්‍රධානී මසහිරෝ නොසාකි සඳහන් කලේ.
දැනට අමෙරිකාවේ නිල සංචාරයක නිරත ශ්‍රී ලංකා මුදල් අමාත්‍ය අලි සබ්රි සහ මූල්‍ය අරමුදලේ කළමණාකාර
අධ්‍යක්ෂවරිය අතර මේ සම්බන්ධයෙන් මූලික සාකච්ඡාවක් පැවැති බවද ඔහු අනාවරණ කර තිබෙනවා.
ශ්‍රී ලංකාව විසින් දැනට පියවීමට පවතින ණය සහ ඉදිරි ආර්ථික සැළසුම් පිළිබඳ ජාත්‍යන්තර මූල්‍ය අරමුදල විසින් අවධානය යොමුකර ඇති බවත් මසාහිරෝ නොසාකි සඳහන් කර තිබෙනවා.
