ශ්‍රී ලංකාවේ සිට මෙරටට පැමිණ විවිධ දේශපාලන සමුලු පවත්වන දේශපාලනඥයන්ගෙන් අපේක්ෂිත අරමුණු ඉටුවේදැයි මැදිහත් ජනතාව ප්‍රශ්න කරනවා.
එමෙන්ම ලාංකිකයන් ඉලක්ක කර මෙරට සිට ක්‍රියාත්මක ඇතැම් සමාජ මාධ්‍ය පවා එවැනි දේශපාලනඥයන් ප්‍රවර්ධනය කිරීම ගැටලු සහගත බවයි ලාංකිකයන් පවා පෙන්වා දෙන්නේ.
විවිධ දේශපාලනඥයන්ට ගැතිකම් කිරීමේ වහල් භාවයෙන් මිදී දියුණු රටවල පුද්ගලයන් සිතන පතන ආකාරයෙන් කල යුතු බවත් විවිධ පටු දේශපාලන අරමුණු ඉටු කරගැනීමට පැමිණෙන දේශපාලනඥයන් හෙළා දැකිය යුතු බවත් අවධාරණය කෙරෙනවා.
ශ්‍රී ලංකාවේ පවතින තත්වය දඩමීමා කරගනිමින් ඇතැම් විදෙස්ගත ලාංකිකයන් බොරදියේ මාලුබෑමට උත්සාහ කිරීමක් සිදුකිරීමට උත්සාහ කරන්නේද පිළිබඳ මෙවැනි දෑ මගින් සනාථ වන බවයි මැදිහත් විචාරකයන් පෙන්වා දෙන්නේ.
වර්තමානයේ සිදුකල යුතු වන්නේ දැඩි දුෂ්කරතාවයකට පත්ව සිටින ශ්‍රී ලංකාවේ වෙසෙන ජනතාවට උදව් කිරීම මිස මෙවැනි පටු දේශපාලන අරමුණු ඉටු කරගැනීම නොවන බවත් නැවතත් අවධාරණය කෙරෙනවා.
