අපේක්ෂා කල අයුරින්ම ඔස්ටේ්‍රලියාව පුරා ගුවන් තොටුපළ රැසක දිගු පෝලිම් සමග දැඩි තදබද නිර්මාණ වී තිබෙනවා.
අද දිනයේදී සිඩ්නි ගුවන් තොටුපලේ අභ්‍යන්තර ගුවන් පර්යන්තය හරහා 82,000 කට ආසන්න පිරිසක් ගමන් කරනු ඇති බවටයි අනාවැකි පළවන්නේ.
බ්‍රිස්බන් ගුවන් තොටුපළ හරහා 56,000 ක් පමණ වෙනත් ගමනාන්ත් කරා ගමන් කරනු ඇති බවටද පුරෝකථනය කර තිබෙනවා.
මේ අතර ඉදිරි දින 05 තුළදී 380,000 කට ආසන්න පිරිසක් මෙල්බන් ගුවන් තොටුපළ භාවිත කරනු ඇති බවටයි අනාවැකි පළවන්නේ.
මේ අතර පැමිණෙන ගුවන් මගීන්ට සිය ගමන් මලු ලබාගැනීම සඳහා පැයකට ආසන්න කාලයක් රැඳී සිටීමට සිදුවූ බවයි මෙල්බන් ගුවන් තොටුපළ වාර්තා පවසන්නේ.
