Breaking: චොකා මල්ලි මරණ දඩුවමෙන් නිදහස්

2015 ජනාධිපතිවරණ සමයේදී කහවත්තේ පැවති මැතිවරණ රැස්වීමක වේදිකාවක සැරසිළි කරමින් සිටි පිරිසකට වෙඩි තබා එක් අයෙකු ඝාතනය කිරිමේ සිද්ධියට අදාළව මරණ දඩුවම නියමවී සිටි ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී ප්‍රේමලාල් ජයසේකර (චොකා මල්ලි) ඇතුලු චූදිතයන් 03 දෙනෙකු එම දඩුවමෙන් නිදොස් කොට නිදහස් කර තිබෙනවා.

නිශ්ශංක බන්දුල කරුණාරත්න සහ ආර් ගුරුසිංහ යන විනිසුරුවරුන්ගෙන් සමන්විත අභියාචනාධිකරණ විනිසුරු මඩුල්ල විසිනුයි නියෝගය ලබාදුන්නේ.

2015 ජනාධිපතිවරණය සමයේ කහවත්ත ප්‍රදේශයේ පැවැති එවක පොදු අපේක්ෂක මෛත්‍රීපාල සිරිසේන මහතාගේ දේශපාලන රැස්වීමකට පහරදී පුද්ගලයකු ඝාතනය කර තවත් දෙදෙනකුට තුවාල කිරීම සම්බන්ධයෙන් නීතිපතිවරයා විසින් පාර්ලිමේන්තු මන්ත්‍රී ප්‍රේමලාල් ජයසේකර මහතා ඇතුලූ පිරිසකට එරෙහිව අධිචෝදනා ගොණු කර තිබුණා.

එම නඩුවේ තීන්දුව ප්‍රකාශයට පත්කළ රත්නපුර මහාධිකරණ විනිසුරුවරයා විත්තිකරුවන් අදාළ චෝදනාවලට වරදකරුවන් කරමින් මරණ දණ්ඩනය නියම කරනු ලැබුවේ 2020 වසරේ ජුලි මස 31 වැනිදායි.

රත්නපුර මහාධිකරණය විසින් තමන්ට නියම කල මරණ දණ්ඩනයෙන් තමන් නිදෙස් කොට නිදහස් කරන ලෙස ඉල්ලා පාර්ලිමේන්තු මන්ත්‍රී ප්‍රේමලාල් ජයසේකර මහතා ඇතුලූ විත්තිකරුවන් 03 දෙනකු අනතුරුව අභියාචනාධිකරණය හමුවේ පෙත්සම් ගොණුකරනු ලැබුවා.

ඒ අනුව එම පෙත්සම් සැලකිල්ලට ගත් අභියාචනාධිකරණය තීන්දු කර ඇත්තේ විත්තිකරුවන් නිදොස් කොට නිදහස් කිරීමටයි.

පැපුවා නිව්ගිනි රාජ්‍යයේ නාය යාමෙන් 670ක් මියගොස් ඇතැයි තොරතුරු

පැපුවා නිව්ගිනි රාජ්‍යයේ උස්බිම් ප්‍රදේශයක සිදු වූ නාය යෑමෙන් පුද්ගලයන් 670 කට වැඩි පිරිසක් මේ වන විට මිය ගොස් ඇතැයි සැක මතුවී තිබෙනවා.

Read More »

LPL තරඟාවලියේ සන්නාම තානාපති ධුරය මයිකල් ක්ලාක්ට

2015 වසරේ ලෝක කුසලානය ජයග්‍රහණය කළ ඔස්ට්‍රේලියා කණ්ඩායමේ නායක මයිකල් ක්ලාක් ශ්‍රී ලංකා ප්‍රිමියර් ලීග් ( LPL 2024) තරගාවලියේ සන්නාම තානාපති ලෙස පත් කර තිබෙනවා.

Read More »

වික්ටෝරියා ප්‍රාන්තයේ ජාතික වනෝද්‍යාන පිහිටුවීමට එරෙහිව විරෝධතාවක්

වික්ටෝරියා ප්‍රාන්තයේ තවත් ජාතික වනෝද්‍යාන පිහිටුවීමේ සැලසුමට එරෙහිව විශාල පිරිසක් විරෝධතාවක් ආරම්භ කර තිබෙනවා.

Read More »

ප්‍රසාද දීමනාවක් ගැන පැතිර යන ව්‍යාජ පණිවුඩයක් ගැන දැනුම්දීමක්

ප්‍රසාද දීමනාවක් ලබා දෙන බව පවසමින් පැතිර යන ව්‍යාජ පණිවුඩයක් සම්බන්ධයෙන් සෙන්ටර්ලින්ක් (Centrelink) පාරිභෝගිකයින්ට හදිසි අනතුරු ඇඟවීමක් සිදු කර තිබෙනවා.

Read More »