විදුලිය බිද වැටීමත් සමග අන්තර්ජාල සේවාද බිද වැටී ඇතැයි ප්රදේශ රැසකින්ම තොරතුරු වාර්තා වනවා.
ජංගම දුරකථන සේවා සපයන සමාගම් පවසා ඇත්තේ දිගු වේලාවක් විදුලිය කපා හැරීම හේතුවෙන් සිය 3G සහ 4G සම්ප්රේශණ ජාල පද්ධතියට බාධා ඇති වන බවයි.
බාධාවන්ගෙන් තොරව සබඳතා සැපයීම සඳහා සංඥා කුළුණු මධ්යස්ථාන හා විකල්ප විදුලි සැපයුම් පද්ධතීන්ගෙන් සමන්විත වුවද ජාතික විදුලිබල පද්ධතියේ දීර්ඝ විදුලි කප්පාදු පවතින අවස්ථාවන්හිදී, විකල්ප විදුලි සැපයුම් පද්ධති සීමිත වී ඇති බව ඇතැම් සමාගම් නිළ වශයෙන් දන්වා තිබෙනවා.
ඒ හේතුවෙන් සන්නිවේදන බාධා ඇතිවිය හැකි බවයි එම සමාගම් පවසා ඇත්තේ.
පවතින ඉන්ධන සහ විදුලි අර්බුධය හේතුවෙන් ක්රීඩා හා තරුණ කටයුතු අමාත්යාංශයේ රාජකාරි සඳහා අත්යාවශ්ය සේවකයින් පමණක් කැඳවීමට අවශ්ය අවසරය රාජ්ය පරිපාලන අමාත්යාංශයෙන් ලබා ගන්නා ලෙසට තමන් සිය අමාත්යාංශයේ ලේකම්වරයාට උපදෙස් දුන් බව අමාත්ය නාමල් රාජපක්ෂ සඳහන් කර සිටිනවා.
විදුලි සැපයුම සහ ඉන්ධන භාවිතය අවම කිරීම සඳහා මෙම ක්රමවේදය මගින් බලාපොරොත්තු වන බවත් සෙසු සේවකයින්ට නිවසේ සිට රාජකාරි කිරිමට හැකි බවයි අමාත්ය නාමල් රාජපක්ෂ ට්විටර් සටහනක් තබමින් සඳහන් කර සිටියේ.
