සංචාරක නියෝජිත ආයතන වෙත ලබාදෙන කොමිස් මුදල අඩු කිරීමට ඔස්ටේ්‍රලියාව තුළ ක්‍රියාත්මක ප්‍රධාන පෙලේ ගුවන් සමාගම් තීරණය කර තිබෙනවා.
ඒ අනුව දැනට ගෙවනු ලබන සියයට 05 ක කොමිස් මුදල ජූලි 01 දා සිට සියයට 01 දක්වා අඩු කරන බවයි ක්වන්ටාස් ගුවන් සේවය නිවේදනය කලේ.
Emirates, Air New Zealand, Hawaiian Airlines, Singapore Airlines, Cathay Pacific & American Airlines යන ප්‍රධාන පෙලේ ගුවන් සමාගම් සියල්ල විසින්ද ඉදිරියේදී මෙම තීරණය අනුගමනය කිරීමට නියමිතයි.
මෙමගින් සංචාරක නියෝජිත ආයතන වෙත හිමිවන ඩොලර් මිලියන ගණනක මුදලක් අහිමිවනු ඇති බවටයි අනාවැකි පළවන්නේ.
විශේෂයෙන් කුඩා සමාගම්වලට දැඩි බලපෑමක් එමගින් සිදුවනු ඇතැයි සඳහන්.
කොවිඩ් තත්වයෙන් පසු ඔස්ටේ්‍රලියා සංචාරක ව්‍යාපාරය නැවත නගා සිටුවීම ඇරඹෙමින් තිබියදී මෙවැනි තීරණයක් ගැනීම අනුමත කල නොහැකි බවත් ඔවුන් අවධාරණය කරනවා.
මේ අනුව බොහෝ ගුවන් මගීන් සංචාරක නියෝජිත ආයතන හරහා ප්‍රවේශපත්‍ර මිළදී ගැනීමකින් තොරව ඔන්ලයින් ක්‍රමයට ගුවන් සේවය මගින්ම ප්‍රවේශපත්‍ර මිළයට ගැනීමේ වැඩි ඉඩක් පවතිනු ඇති බවටද අනාවැකි පළවනවා.
