අත්‍යවශ්‍ය ද්‍රව්‍ය ආනයනය කිරීම සඳහා ශ්‍රී ලංකාව ඉන්දියාවෙන් තවත් ඩොලර් බිලියනයක ණයක් ඉල්ලා ඇති බව රොයිටර් පුවත් සේවය වාර්තා කරනවා.
මූලාශ්‍ර 02 ක් උපුටා දක්වමිනුයි ඔවුන් මේ බව වාර්තා කර ඇත්තේ.
2020 වසරේ සිට මේ දක්වා ශ්‍රී ලංකාවේ විදෙස් සංචිත 70% කින් පහත වැටී ඇති අතර අත්‍යාවශ්‍ය ඉන්ධන සහ ආහාර ආනයනය සඳහා මුදල් ගෙවා ගත නොහැකි තත්ත්වයකට ශ්‍රී ලංකාව පත් වී ඇතැයි රොයිටර් පුවත් සේවය පවසනවා.
මේ හේතුවෙන් රුපියලේ අගයද පහත වැටී ඇතැයි රොයිටර් වාර්තාවේ වැඩදුරටත් සඳහන්.
ඉන්දීය විදේශ අමාත්‍ය එස් ජයිශංකර් ශ්‍රී ලංකාවේ රැඳී සිටින අවස්ථාවක මෙම වාර්තාව පළවීමද විශේෂත්වයක්.
ඉන්දීය විදේශ අමාත්‍යවරයා අද පෙරවරුවේ ජනාධිපතිවරයා – අග්‍රාමාත්‍යවරයා මෙන්ම මුදල් අමාත්‍යවරයාද හමුවී තිබුණා.
