ලබන 30 වනදා පැවැත්වෙන අවමංගල්‍ය උත්සවයේදී සුපිරි ක්‍රීඩක ෂේන් වෝන්ට අවසන් බුහුමන් දැක්විම සඳහා ඔස්ටේ්‍රලියානුවන් 42,000 කට වැඩි පිරිසක් ලියාපදිංචි වී තිබෙනවා.
ඒ අන්තර්ජාලය ඔස්සේ ඊයේ පස්වරු 03 සිට විවෘත කෙරුණු නොමිළයේ ප්‍රවේශපත්‍ර ලබාදීමේදීයි.
මේ අනුව 42,300 ක පිරිසක් දැනටමත් ප්‍රවේශපත්‍ර වෙන් කරවාගෙන අවසන් බව වික්ටෝරියා ප්‍රාන්ත අගමැති ඩැනියල් ඇන්ඩෲස් සඳහන් කලා.
ෂේන් වෝන් ගේ අවසන් කටයුතු ලබන 30 වනදා රාත්‍රී 07 ට මෙල්බන් ක්‍රිකට් ක්‍රීඩාංගණයේදී ආරම්භ විමට නියමිතයි.
ඔහු ජීවිතක්ෂයට පත්වූයේ පසුගිය 04 වනදා තායිලන්තයේදියි.
