නැවත වරක් සේවයෙන් ඉවත්ව වර්ජන ක්‍රියාමාර්ගයකට යාමට සිඩ්නි දුම්රිය වෘත්තීය සමිති තීරණය කර තිබෙනවා.
ඒ ප්‍රාන්ත රජය සමග පැවති සාකච්ඡා බිඳ වැටීම හේතුවෙනුයි.
අද පස්වරුවේත් වෘත්තීය සමිති සහ නිවු සවුත් වේල්ස් ප්‍රාන්ත රජය අතර සාකච්ඡාවක් පැවැත්වෙන අතර එහිදී අවසන් එකගතාවකට එළැඹීමට නොහැකි වුවහොත් ලබන ඉරිදා සිට වෘත්තීය ක්‍රියාමාර්ගයක් ආරම්භ කෙරෙනු ඇති.
පළමුවෙන් අකුරට වැඩ කිරීමේ ක්‍රියාමාර්ගයක් ද අනතුරුව දැඩි ක්‍රියාමාර්ගයක්ද ආරම්භ කිරීම කෙරෙහියි වෘත්තීය සමිතිවල අවධානය යොමුවී ඇත්තේ.
වැඩි වැටුප් සහ රැකියා පහසුකම් වැඩි කරන ලෙස ඉල්ලමිනුයි සිඩ්නි දුම්රිය වෘත්තිය සමිති මෙම වර්ජනය ආරම්භ කරනු ලබන්නේ.
