Ausලංකා TV – News |දවසේ පුවත් ප්‍රකාශය​ 12/February/2022

අන්තර්ජාලය ඔස්සේ විකාශය වෙමින් තිබූ දේව මෙහෙය අතර තමාට පිහියෙන් අනිනු ලැබූ තරුණයාට සමාව දෙන බව මාරි එම්මානුවෙල් රදගුරුතුමා පවසනවා.

2024 මුල්‍ය වර්ෂය සඳහා වික්ටෝරියා ප්‍රාන්තයේ Skilled Visa අයදුම් කිරීමට ලබා දී ඇති කාලය ලබන 23 වනදා සවස 5ට අවසන් වීමට නියමිතව තිබෙනවා.

6 දෙනෙකුට ජීවිත අහිමි කළ පිහි ඇනුමෙන් පසු පළමු වරට සිඩ්නි බොන්ඩායි ජන්ෂන් හි වෙස්ට්ෆීල්ඩ් සාප්පු සංකීර්ණය අද පෙරවරු 11ට විවෘත කෙරුණා.

ඉන්දුනීසියාවේ ගිනි කන්දක විශාල පිපිරීම් කිහිපයක් ඇති වීමෙන් පසු සුනාමි අනතුරු ඇඟවීමක් නිකුත් කර තිබෙනවා.

එක්සත් අරාබි එමීර් රාජ්‍යය සහ ඕමානයට බලපෑම් එල්ල කර ඇති දැවැන්ත සුළි කුණාටු හේතුවෙන් ඩුබායි ගුවන් තොටුපළ කටයුතුවලට දැඩි බාධා මතුවී තිබෙනවා.

පසුගිය කාර්තුව පුරාවට එක්සත් ජනපද ඩොලරය හමුවේ ශ්‍රී ලංකා රුපියල අඛණ්ඩ අතිප්‍රමාණය වීමක් පෙන්නුම් කළ ද එම ප්‍රවණතාවය යම්තාක් දුරකට වෙනස් වී තිබෙනවා.