යුක්රේන – රුසියා අර්බුදය හේතුවෙන් සිය අලුත උපන් බිළිඳිය බැලීමට යාමට නොහැකිව සිටින මෙල්බන්වාසී යුවළක් පිළිබඳ පුවතක් වාර්තා වනවා.
Jess සහ Kevin නම් මොවුන් දෙදෙනාට දාව බිළිඳෙකු යුක්රේනයේ උපත ලබා තිබුණේ මීට දින කිහිපයකට පෙරයි.
ඔවුන් බිළිඳිය දැක බලාගැනීම සඳහා පසුගිය අගහරුවාදා දිනයේදී මෙල්බන් සිට ඩුබායි හරහා යුක්රේනයේ ඔඩෙස්සා දක්වා ගමන් කිරිමට නියමිතව සිටියා.
එහෙත් අවසාන මොහොතේ ඔවුන් ගමන් කල ගුවන් යානය පෝලන්තයට හරවා යවා තිබෙනවා.
සති 28 ක් වයසැති මෙම බිළිඳිය නියමිත කාලයට අඩුවෙන් උපත ලබා ඇති අතර ඇයගේ බර ග්‍රෑම් 1500 ක් පමණක් වූ බවද සඳහන්.
දරුවෙකු ලැබීමට ගොස් අවස්ථා ගණනාවකදී අසාර්ථකවීම හමුවේ Surrogate ක්‍රමයට බිළිඳියක ලැබූ මෙම යුවළ යුක්රේන හා ඔස්ටේ්‍රලියා බළධාරීන්ගෙන් ඉල්ලා සිටින්නේ පෝලන්තයේ සිට කෙසේ හෝ යුක්රේනය දක්වා ගමන් කිරීමට අවසර දෙන ලෙසයි.
