වික්ටෝරියා පොලිසියේ 1200 කට වැඩි පිරිසක් අවුරුදු 08 ක් හොරට වැඩ කරලා

වික්ටෝරියා ප්‍රාන්තයේ පොලිස් නිළධාරීන් 1200 කට වැඩි පිරිසක් රාජකාරිවල නිරත වන්නේ නිසි අවසරයකින් තොරව බව අනාවරණය වී තිබෙනවා.

වසර 08 කට වැඩි කාලයක් පුරා ඔවුන් මෙලෙස කටයුතු කරමින් සිටින බවද සඳහන්.

පොලිස් නිළධාරීන් 1076 දෙනෙකු – PSO නිළධාරීන් 157 දෙනෙකු සහ පොලිස් අත්අඩංගුවට ගැනීමේ නිලධාරීන් 29 දෙනෙකු 2014 වසරේදී රාජකාරි සඳහා බඳවා ගත් අවස්ථාවේදී දිවුරුම් දී ඇත්තේ වැඩබලන සහකාර පොලිස් කොමසාරිස්වරයෙකු ඉදිරිපිටදීයි.

කෙසේවෙතත් ඔහුට ඒ සඳහා වික්ටෝරියා පොලිස් පණත් නීතිය යටතේ බලතල පවරාදී නොමැති බවයි තහවුරු වන්නේ.

ඒ අනුව අදාළ පොලිස් නිලධාරීන්ට නැවතත් දිවුරුම් දීමට සිදුවන අතර ඉන් 600 දෙනෙකු අද දිනයේදී දිවුරුම් දෙනු ඇති.

මෙහිදී පැණ නැගී ඇති ප්‍රධාන ගැටලුව වන්නේ මෙම නිළධාරීන් පසුගිය වසර 08 පුරා සිදුකල ගිණි අවි රැගෙන යාම් – අත්අඩංගුවට ගැනීම් – චෝදනා ගොණු කිරීම් වැනි සියල්ල නීති විරෝධී බවත් ඒවාට ලක්වූවන්ට වික්ටෝරියා පොලිසියට එරෙහිව නඩු පැවරීමට හැකි බවටත් අදහස් පළවීමයි.

නිවේදනයක් නිකුත් කරන වික්ටෝරියා පොලිස් දෙපාර්තමේන්තුව පවසන්නේ දැනට ක්‍රියාත්මක නඩු කටයුතු සඳහා මෙමගින් කිසිදු බලපෑමක් නොමැති බවයි.

https://www.9news.com.au/national/victoria-police-officers-working-without-authority-due-to-administrative-bungle/91b50c3b-a0ca-415b-9a10-4493c7dc01d6

ඩොලර් 100 නෝට්ටුව ගැන ජනතාවට දැනුම්දීමක්

විදෙස් රටකදී ඔස්ට්‍රේලියානු ඩොලර් 100 නෝට්ටුවක් මාරු කිරීමට යාමේදී සිදු වූ අපහසුතාවක් පිළිබඳ ඔස්ට්‍රේලියා සංචාරකයෙකු විසින් ජනතාවට දැනුම්දීමක් සිදුකර තිබෙනවා.

Read More »

මෙල්බන් බලා ආ ගුවන් යානයක කලබලයක් නිසා හදිසි ගොඩබැස්වීමක්

පර්ත් සිට මෙල්බර්න් දක්වා පියාසර කරමින් තිබූ වර්ජින් සමාගමේ යානයක් මගියෙකුගේ කලහකාරී හැසිරීමක් හේතුවෙන් නැවත පර්ත් වෙත හදිසි ගොඩබැස් වීමක් සිදු කර තිබෙනවා.

Read More »

සිඩ්නි Cooks ගං ඉවුරේ දරු ප්‍රසූතියක් කළ මව සොයා මෙහෙයුම්

සිඩ්නිහි කුක්ස් ගං ඉවුරේදී කාන්තාවක් දරු ප්‍රසූතියක් සිදු කර ඇති බවට සාක්ෂි හමුවීම හේතුවෙන් පොලිසිය විශේෂ විමර්ශනයක් ආරම්භ කර තිබෙනවා.

Read More »

බටහිර ඔස්ට්‍රේලියාවේ ගිනි අවි සම්බන්ධ නීති දැඩි කිරීමට පියවර

පසුගියදා පර්ත්හි සිදුවූ වෙඩි තැබීමකින් මවක් සහ ඇයගේ දියණිය ඝාතනයෙන් පසු ගිනි අවි සම්බන්ධ නීති දැඩි කරන බවට බටහිර ඔස්ට්‍රේලියානු අගමැති රොජර් කුක් පොරොන්දු වී තිබෙනවා.

Read More »