යුක්‍රේනයේ සිට පැමිණෙන පුද්ගලයින්ගේ වීසා අයදුම්පත් සඳහා ප්‍රමුඛත්වය ලබාදීමට ඕස්ට්‍රේලියා ආගමන විගමන දෙපාර්තමේන්තුව උපදෙස් ලබාදී ඇති බව මාධ්‍ය වාර්තා කරනවා.
යුක්‍රේන සම්භවයක් ඇති පුද්ගලයන් 38,000 ක් පමණ ඕස්ට්‍රේලියාවේ ජීවත්වන බවයි සඳහන් වන්නේ.
එමෙන්ම මේ වන විට යුක්‍රේනය තුළ ඕස්ට්‍රේලියානු පුරවැසියන් 1400 ක් පමණ සිටින බව අගමැති ස්කොට් මොරිසන් සඳහන් කර තිබෙනවා.
ශිෂ්‍ය වීසා, පවුල් වීසා සහ වෙනත් අය ඇතුළුව දැනට අයදුම්පත් 4300 ක් පමණ පවතින බවයි මාධ්‍ය වැඩි දුරටත් ප්‍රකාශ කළේ.
අගමැති ස්කොට් මොරිසන් විසින් අද දිනයේදී හදිසි ආරක්ෂක කමිටු රැස්වීමක් කැඳවා තිබුණා.
රුසියානු රජයේ ඉහළ නිළධාරීන්ට එරෙහිව සම්බාධක පැණවීමටයි එහිදී තීරණය වී ඇත්තේ.
COMMENTS