බංකොළොත්වීම හමුවේ අධ්‍යාපන ආයතන 03 ක් වසා දැමීම හමුවේ ඉන්දීය සිසුන් 2000 කගේ පමණ අනාගතය අවිනිශ්චිත වී තිබෙනවා.
මෙම පුවත වාර්තා වන්නේ කැනඩාවේ මොන්ට්‍රියල් නගරයෙනුයි.
මෙම සිසුන් සිය උසස් අධ්‍යාපන කටයුතු සඳහා ඩොලර් මිලියන ගණනක් මුදල් ගෙවා තිබූ අතර ඔවුන්ගේ චෝදනාව වන්නේ තමන් රැවටීමකට ලක්වූ බවයි.
අධ්‍යාපනය හැදෑරීමකින් තොරව සතියකට පැය 20 ක් රැකියාවේ නිරතවීම පවා ගැටලු සහගත වී ඇති බවත් වියදම් සොයා ගැනීම පවා අසීරු වී ඇති බවත් ඔවුන් සඳහන් කර තිබෙනවා.
අදාළ ඉන්දීය සිසුන්ගේ ඉල්ලීම වන්නේ කැනඩා රජය වහා සිය ගැටලුවට මැදිහත් විය යුතු බවයි.
