නිවු සවුත් වේල්ස් ප්‍රාන්තයේ අත්හිටුවා තිබූ අත්‍යවශ්‍ය නොවන සැත්කම් ලබන සතියේ සිට නැවත ආරම්භ කිරීමට තීරණය කර තිබෙනවා.
ඒ අනුව නේවාසික රෝගීන් සඳහා ලබන 07 වනදා සිට අධියර වශයෙන් සැත්කම් යළිත් ආරම්භ වනු ඇති.
පුද්ගලික රෝහල්වලදී සැත්කම් ධාරිතාවයෙන් සියයට 75 ක් පමණක් පළමුවෙන් ආරම්භ කෙරෙනවා.
කොවිඩ් ආසාධිතයන් සංඛ්‍යාව සීඝ්‍රයෙන් ඉහළ යාමත් සමග නිවු සවුත් වේල්ස් ප්‍රාන්තයේ හදිසි නොවන සැත්කම් පසුගිය 10 වනදා සිට නතර කරනු ලැබුවා.
කොවිඩ් තත්වය හමුවේ පසුගිය වසරේදී ඔස්ටේ්‍රලියාවේ හදිසි නොවන සැත්කම් සඳහා පොරොත්තු කාලය සටහන්වූයේ දින 48 ක් ලෙසයි.
එය පෙර වසර හා සැසඳීමේදී දින 09 ක වැඩිවීමක් වනවා.
