ඔස්ටේ්‍රලියාවට පැමිණීම සඳහා බූස්ටර් අනිවාර්ය වන ළකුණු

ඔස්ටේ්‍රලියාව තුළ පූර්ණ එන්නත්කරණය යන්න සඳහා නව නිර්වචනයක් අද ප්‍රකාශයට පත් කෙරෙනු ඇති බවට වාර්තා පළවනවා.

වික්ටෝරියා අගමැති ඩැනියල් ඇන්ඩෲස් පැවසුවේ අගමැති ස්කොට් මොරිසන්ගේ ප්‍රධානත්වයෙන් අද රැස්වන ජාතික කැබිනෙට් මණ්ඩලයේදී එම තීරණය ගනු ඇති බවයි.

මෙතෙක් පූර්ණ එන්නත්කරණය ලෙසින් හැඳින්වෙන්නේ එන්නත් මාත්‍රා 02 ක් ලබාගෙන තිබීමයි.

කෙසේවෙතත් එය මාත්‍රා 03 ක් බවට පත් කිරීම අද දිනයේදී සිදු කෙරෙනු ඇති බවයි ඩැනියල් ඇන්ඩෲස් අනාවැකි පළකරන්නේ.

එසේ වුවහොත් සෞඛ්‍ය උපදෙස් යටතේ පූර්ණ එන්නත්කරණයට ලක්වූවන්ට ලබාදෙන සීමා ලිහිල් කිරීම් – අවසර ලැබීම් සඳහා එන්නත් මාත්‍රා 03 ම ලබාගෙන සිටීම අනිවාර්ය වනවා.

එමෙන්ම ඔස්ටේ්‍රලියාවට පැමිණීම සඳහා ද බූස්ටර් මාත්‍රාව ලබාගෙන සිටීම අනිවාර්ය කෙරෙනු ඇති.

https://www.9news.com.au/national/coronavirus-victoria-updates-new-case-numbers-data-reveals-vaccination-covid-19-deaths/97f44e68-8acc-4b71-9f3e-cd4c43b77710