ක්වීන්ස්ලන්ඩ් ප්‍රාන්තයේ නූසා නගර සභා බල ප්‍රදේශය විසින් පණවා ඇති අපූරු නීතියක් හේතුවෙන් සමාජ මාධ්‍ය තුළ දැඩි කථාබහක් නිර්මාණය වී තිබෙනවා.
සංචාරකයන් විශාල වශයෙන් පැමිණෙන මෙම ප්‍රදේශයේ ලබන සතියේ සිට අත්පුඩි ගැසීම – ශබ්ද නගා කථා කිරීම – ගීත ගායනා කිරීම සහ ආරාවුල් ඇති කරගැනීම තහනම් වනවා.
සංචාරකයන්ට නිදහසේ නිවාඩු ගත කිරීමට අවස්ථාව සළසා දීමේ අරමුණ ඇතිව එම තීරණය ගත් බවයි නූසා නගර කවුන්සිලය නිවේදනය කර සිටියේ.
නව නීති අනුව කුළී නිවාසවල කළමණාකරු අදාළ ස්ථානයේ සිට කිලෝමීටර් 20 ක වපසරිය තුළ සිටිය යුතු අතර අධි ශබ්ද පැමිණිල්ලක් ලද වහා විනාඩි 30 ක් ඇතුළත එම ස්ථානයට පැමිණීම අනිවාර්ය වනවා.
කෙසේවෙතත් දේපළ හිමිකරුවන් ඇතුලු විශාල පිරිසක් මේ සම්බන්ධයෙන් දැඩි අප්‍රසාදය පළකර ඇති බවයි වාර්තා වන්නේ.
PIC – 9NEWS
