ඔස්ටේ්‍රලියාව පුරා පුද්ගලික සෞඛ්‍ය සේවකයන් 157,000 ක් රජයේ සේවා සඳහා යෙදවීමට පියවර

ඔස්ටේ්‍රලියාව පුරා පුද්ගලික අංශයේ සේවය කරන සෞඛ්‍ය කාර්ය මණ්ඩල සාමාජිකයන් 100,000 ක් සහ හෙදියන් 57,000 ක් පමණ වහාම ක්‍රියාත්මක වන පරිදි රජයේ (මහජන) සෞඛ්‍ය සේවා සඳහා යෙදවීමට පියවර ගෙන තිබෙනවා.

සෞඛ්‍ය අමාත්‍ය ග්‍රෙග් හන්ට් පැවසුවේ 2020 වසරේදී පුද්ගලික රෝහල් පද්ධතිය සමග ඇති කරගත් එකගතාවක් අනුව එම පියවර ගැනෙන බවයි.

ඔමික්‍රොන් වෛරස් ප්‍රභේදය හමුවේ රජයේ රෝහල් පද්ධතිය තුළ හටගෙන ඇති තදබදය මගහරවා ගැනීමත් සේවා අඩාල නොවී පවත්වාගෙන යාමත් අරමුණු කරගනිමිනුයි මෙම පියවර ගෙන ඇත්තේ.

මෙල්බන් නගරයේ සියලු පොදු රෝහල්වල හෙට දහවල් සිට Code brown තත්වයක් ප්‍රකාශයට පත් කර තිබෙනවා.

මේ අනුව දැනට නිවාඩු මත සිටින සියලු සේවකයන් නැවත සේවයට කැඳවීමට නියමිතයි.

ඊට අමතරව රෝහල්වල අත්‍යවශ්‍ය නොවන සියලු සැත්කම් වැනි කටයුතු ප්‍රමාද කෙරෙන අතර කොවිඩ් ප්‍රතිකාර සඳහා පමණක් මූලිකත්වය දෙනු ඇති.

වික්ටෝරියා ප්‍රාන්තයේ රෝහල්වල කොවිඩ් රෝගීන් සංඛ්‍යාව සීඝ්‍රයෙන් ඉහළයාමත් සමගයි මෙම තීරණය ගෙන ඇත්තේ.

කොවිඩ් ආසාධිතයන් හෝ ආශ්‍රිතයන් බවට පත්වීම හමුවේ වික්ටෝරියා ප්‍රාන්තයේ සෞඛ්‍ය සේවකයන් 4000 කට පමණ සේවයට වාර්තා කිරීමට නොහැකි වී තිබෙනවා.

Code brown තත්වයකදී ගිලන් රථ සේවා සැපයීමේ ප්‍රමුඛතාවය හිමිවන්නේද අසාධ්‍ය රෝගීන්ට පමණයි.

එමෙන්ම ඇතැම්විට සෞඛ්‍ය සේවකයන්ට තමාට පැවරුණු රාජකාරියට අමතර සේවාවන් හි වුවද නිරතවීමට සිදුවනවා.

https://www.9news.com.au/national/coronavirus-australia-update-private-hospitals-agreement-greg-hunt-omicron-response/a1291fd1-5837-4992-b588-cb6878624b54

පැතිර යන රෝගයක් නිසා NSW සෞඛ්‍ය අංශවලින් අනතුරු ඇඟවීමක්

පැතිර යන රෝගයක් නිසා NSW සෞඛ්‍ය අංශවලින් අනතුරු ඇඟවීමක්නිව් සවුත් වේල්ස් ප්‍රාන්තයේ ඉන්ෆ්ලුවෙන්සා රෝගීන් සංඛ්‍යාව සියයට 33කින් ඉහළ ගොස් තිබෙනවා.

Read More »

උත්සවවලට අවශ්‍යම වන ද්‍රව්‍ය කිහිපයකට NSW ප්‍රාන්ත කවුන්සිලයකින් තහනමක්

නිව් සවුත්වේල්ස් ප්‍රාන්තයේ බයිරන් බේ කවුන්සිලය විසින් සැරසිලි ද්‍රව්‍ය කිහිපයක් සඳහා තහනමක් පැනවීමට පියවර ගෙන තිබෙනවා.

Read More »

හැමෝටම බලපාන හේතුවක් නිසා ඔස්ට්‍රේලියාවේ නගර කිහිපයක් මුල් තැනට එයි

එළඹෙන මූල්‍ය වර්ෂයේදී නිවාස මිල වැඩි වශයෙන් ඉහළ යන නගර අතුරින් පර්ත්, ඇඩිලේඩ්, සිඩ්නි සහ බ්‍රිස්බේන් මුල් තැනට පත්වනු ඇතැයි නව සමීක්ෂණ මගින් තහවුරු වී තිබෙනවා.

Read More »

රුධිර පරිත්‍යාගයෙන් මෙල්බන් පදිංචිකරුවෙක් වාර්තාවක් පිහිටුවයි

877 වන වරටත් රුධිරය පරිත්‍යාග කිරීමෙන් පසු මෙල්බර්න් නගරයේ ජීවත් වන පුද්ගලයෙක් ඔස්ට්‍රේලියාවේ වඩාත්ම ක්‍රියාකාරී රුධිර පරිත්‍යාගශීලියා බවට පත් වී තිබෙනවා.

Read More »