Ausලංකා TV දවසේ පුවත් ප්‍රකාශය​ 17/01/2022

චීනයේ ප්‍රධාන නගරවල මිලියන 270ක පමණ ජනතාවක් ගිලී යමින් පවතින බිම්වල ජීවත් වන බව නව අධ්‍යයනයකින් හෙළි වී තිබෙනවා.

අඟහරු ලෝකයේ වාසස්ථානයක් අනුකරණය කරමින් අමෙරිකාවේ හූස්ටන්හි ජොන්සන් අභ්‍යවකාශ මධ්‍යස්ථානයේ සිදුකෙරෙන මෙහෙයුමකට නාසා (NASA) ආයතනය ශ්‍රී ලාංකිකයකු ද තෝරාගෙන තිබෙනවා.

සිඩ්නි දේවස්ථානයකදී බිෂොප්වරයෙකුට පිහියෙන් ඇනිමේ සිද්ධිය ත්‍රස්තවාදී ක්‍රියාවක් ලෙස සලකා විමර්ශන සිදු කරන බව පොලිසිය පවසනවා.

මානසික සෞඛ්‍ය සේවා වෘත්තිකයින්ගේ පුරප්පාඩු පිරවීම සඳහා මැදිහත් වන්නැයි මනෝ වෛද්‍යවරුන් ෆෙඩරල් රජයෙන් ඉල්ලීමක් කර තිබෙනවා.

Coca-Cola සමාගමේ ශ්‍රී ලංකාව සහ මාලදිවයින සඳහා නව අධ්‍යක්ෂවරිය ලෙස (Country Director Sri Lanka & Maldives) ශ්‍රී ලාංකිකයෙක් වන කෞෂාලි කුසුමපාල පත් කර ඇති බව එම සමාගම නිවේදනය කර තිබෙනවා.

2040 වසර වන විට Fire Ants නම් කුහුඹුවන් නිසා ඔස්ට්‍රේලියාවට ඩොලර් බිලියන 22ක් වැය විය හැකි බව නව පර්යේෂණයකින් හෙළි වී තිබෙනවා.