නැගෙනහිර වෙරළ තීරයන් සඳහා පණවන ලද සුනාමි අනතුරු ඇගවීම සම්බන්ධයෙන් තවදුරටත් අවධානයෙන් පසුවන බව ඔස්ටේ්‍රලියානු කාළගුණ අංශ පවසනවා.
ටොංගා රාජ්‍යයට බලපෑ ප්‍රබල සුනාමි අනතුරු ඇගවීමත් සමග ඔස්ටේ්‍රලියාවේ නැගෙනහිර වෙරළ තීරයේ ප්‍රාන්ත කිහිපයක වෙරළාසන්න ප්‍රදේශවලටද සුනාමි අනතුරු ඇගවීම් නිකුත් කෙරුණා.
නිවු සවුත් වේල්ස් – ක්වීන්ස්ලන්ඩ් – වික්ටෝරියා සහ ටස්මේනියා ප්‍රාන්ත සඳහා එය බලාත්මක විය.
කෙසේවෙතත් ඊයෙ රාත්‍රිය වනවිට ලද නිල වාර්තා අනුව ඔස්ටේ්‍රලියාවෙන් කිසිදු ජීවිත හෝ දේපළ හානියක් වාර්තා නොවීය.
ෆීජි රාජ්‍ය සහ නවසීලන්තය ඇතුළු පැසිෆික් කලාපයේ රටවල් කිහිපයකට සුනාමි අවදානම් තත්ත්වයක් ද ප්‍රකාශයට පත් කෙරුණා.
