නිවසේදී සිදුකරන රැපිඩ් ඇන්ටිජන් ප්‍රථිඵල වාර්තා කිරීම අනිවාර්ය කරමින් නිවු සවුත් වේල්ස් ප්‍රාන්ත රජය විසින් නව නියමයක් පණවා තිබෙනවා.
එසේ කිරීමට අපොහොසත් වන පුද්ගලයන්ට ඩොලර් 1000 ක දඩයක් පැණවෙනු ඇති.
ජනවාරි පළමුවනදා සිට සිදුකල සියලු පරීක්ෂණ ප්‍රථිඵල Service NSW ඇප්ලිකේෂනය හෝ අන්තර්ජාලය හරහා දැනුම්දීම මේ අනුව අනිවාර්ය වනවා.
අද සිට සතියක් සහන කාලයක් ලබාදී ඇති අතර ලබන 19 වනදා සිට දඩ පැණවීම අනිවාර්යයෙන් සිදුකරන බවයි නිවු සවුත් වේල්ස් ප්‍රාන්ත අගමැතිවරයා ප්‍රකාශ කලේ.
වයස අවුරුදු 16 ට වැඩි සියල්ලන් සඳහා එය අනිවාර්ය වනවා.
