වික්ටෝරියා – නිවු සවුත් වේල්ස් ප්‍රාන්ත සීමාව ආසන්නයේදී මරේ ගංගාවේ යාත්‍රා කරමින් තිබු බෝට්ටුවක හටගත් ගින්නකින් කුඩා ළමුන් 05 දෙනෙකු ඇතුලු 06 දෙනෙකු තුවාල ලබා තිබෙනවා.
අසාධ්‍ය තත්වයේ පසුවන එක් දැරියක ගුවන් මගින් Royal Children’s Hospital වෙත රැගෙනගිය බව සඳහන්.
බෝට්ටුවේ එන්ජිමෙහි ගින්නක් හටගෙන ඇති බවයි වාර්තා වන්නේ.
අනතුරුව කිසියම් පිපිරීමක් සිදුවී තිබෙනවා.
තුවාල ලැබූ ළමුන් 05 දෙනා අතර ගැහැණු ළමුන් 03 දෙනෙකු සහ පිරිමි ළමුන් දෙදෙනෙකු වනවා.
අනෙක් තැනැත්තා 30 හැවිරිදි අයෙක්.
ඔවුන් සියලු දෙනා වයස අවුරුදු 08 ත් 13 ත් අතර වියෙහි පසුවන්නන්.
ඔවුන්ගේ දෑත් සහ පාදවල පිළිස්සුම් තුවාල ඇතත් ඒවා මාරාන්තික නොවන බවයි බළධාරින් සඳහන් කලේ.
PIC – PRIME7
