කොවිඩ් අවධානම් ස්ථානයක සිට ක්වීන්ස්ලන්ඩ් ප්‍රාන්තය වෙත පැමිණෙන පුද්ගලයන්ට සෘණාත්මක රැපිඩ් ඇන්ටිජන් පරීක්ෂණ වාර්තාවක් ඉදිරිපත් කිරීම වුවද ප්‍රමාණවත් බවට නීති සංශෝධනය කර තිබෙනවා.
ලබන ජනවාරි පළමුවනදා සිට එය බලාත්මක වන බවයි ප්‍රාන්ත අගමැතිනිය නිවේදනය කලේ.
මෙතෙක් පී සී ආර් පරීක්ෂණයක් සිදුකර ගැනීම අනිවාර්යව පැවතුණා.
ඒ හේතුවෙන් රට පුරා කොවිඩ් පරීක්ෂණ මධ්‍යස්ථානවල දැඩි තදබදයක්ද පැවති අතර සෙසු ප්‍රාන්ත විසින් ක්වීන්ස්ලන්ඩ් ප්‍රාන්තයට චෝදනා කලේ අනවශ්‍ය ප්‍රමාදයන් සිදුකරන බවටයි.
ප්‍රාන්තයට පැමිණිමෙන් පසු 05 වන දිනයේදී සිදුකල යුතු වූ කොවිඩ් පරීක්ෂණය ඉවත් කිරීමටද ක්වීන්ස්ලන්ඩ් ප්‍රාන්ත රජය ඊයේ කටයුතු කලා.
මේ අතර ක්වීන්ස්ලන්ඩ් ප්‍රාන්තයේ එක් මාත්‍රාවක් පමණක් ලබාගත් ප්‍රතිශතය සියයට 90 ඉක්මවා ගොස් තිබෙනවා.
