සැහැල්ලු ගුවන් යානයකින් තනිවම ලොව වටා සංචාරයක නිරත වන ලාබාලතම තරුණිය වන සාරා රදෆර්ඩ් අද පස්වරුවේ ශ්‍රී ලංකාවට පැමිණියා.
ඇයගේ සැහැල්ලු ගුවන් යානය ගොඩබස්වනු ලැබුවේ රත්මලාන ගුවන් තොටුපලටයි.
ලෝක වාර්තාවක් පිහිටුවීමේ අරමුණින් ලොවවටා සංචාරයේ නිරත මෙම තරුණිය පසුගිය අගෝස්තු මස 13 වනදා බෙල්ජියමෙන් ගමන් ආරම්භ කළා.
එතැන් සිට අමරිකාව – බ්‍රිතාන්‍යය – රුසියාව ඇතුලු රටවල් 19 ක සංචාරය කිරීමෙන් පසුවයි සාරා රදෆර්ඩ් සිය සංචාරයේ මීළග නැවතුම්පොල ලෙස ශ්‍රී ලංකාවට පැමිණ ඇත්තේ.
සැහැල්ලු ගුවන් යානයකින් තනිවම ලොව වටා සංචාරයක නිරත මෙම තරුණිය සිය මීළග ගමනාන්තය ලෙස අනිද්දා ඉන්දියාව බලා පිටත්වයාමට නියමිතයි.
