කාන්තාවන් නිදා සිටියදී දූෂණයට ලක් කල සහ විවිධ ලිංගික අතවරවලට ලක් කල 25 හැවිරිදි වික්ටෝරියා ප්‍රාන්තවාසියෙකුට එරෙහිව චෝදනා ගොණු කර තිබෙනවා.
මොහුගේ ජංගම දුරකථනයේ තිබී කාන්තාවන් 89 දෙනෙකුගේ නාම ලේඛණයක් හමුවී ඇති අතර ඉන් 11 දෙනෙකුට සිදුකල අතවරවලට අදාළවයි මෙම චෝදනා ගොණු කර ඇත්තේ.
2011 වසරේදී එනම් සැකකරු 15 හැවිරිදි වියෙහි සිටියදී පවා මෙම අපරාධ සිදුකර ඇති බව සඳහන්.
මෙම තැනැත්තා පොලිසියට පවසා තිබුණේ නිදා සිටින කාන්තාවන්ට හිංසා කිරීමේ එක්තරා මානසික රෝගයකින් තමන් පෙළෙන බවයි.
South Gippsland හි පදිංචි සැකකරු මෙල්බන් නුවර මහෙස්ත්‍රාත් අධිකරණයක් වෙත ඉදිරිපත් කිරීමෙන් අනතුරුව දැඩි ඇප කොන්දේසි මත මුදාහැර තිබෙනවා.
එක් කොන්දේසියක් වන්නේ කිසිදු ආකාරයකින් සමාජ මාධ්‍ය භාවිත නොකල යුතු අතර දෙමව්පියන් සමග පමණක් වාසය කල යුතු බවයි.
